រុស្ស៊ី ៖ ប្រមុខការទូតរបស់រុស្ស៊ី បានលើកឡើងក្នុងសន្និសីទសារព័ត៌មានប្រចាំឆ្នាំនៅទីក្រុងមូស្គូ ថា សហរដ្ឋអាមេរិក និងអង្គការណាតូ ពេលនេះបានដើរតួនាទីដោយផ្ទាល់ និងគ្រោះថ្នាក់ នៅក្នុងសង្គ្រាមអ៊ុយក្រែន ដោយទីក្រុងវ៉ាស៊ីនតោន បានប្រែក្លាយទីក្រុងកៀវ ឱ្យទៅជាការគំរាមកំហែង ដែលមានស្រាប់របស់ទីក្រុងម៉ូស្គូ និងថា ទីក្រុងមូស្គូ មិនអាចព្រងើយកន្តើយបានឡើយ។
![](https://cen.com.kh/wp-content/uploads/2022/12/photo_2022-11-24_07-32-02-2.jpg)
បើតាមការចេញផ្សាយរបស់ទីភ្នាក់ងារសារព័ត៌មានស៊ីនហួរ កាលពីថ្ងៃព្រហស្បតិ៍ ទី០១ ខែធ្នូ ឆ្នាំ២០២២ បានឱ្យដឹងថា លោក សឺហ្គៃ ឡាវរ៉ូវ (Sergei Lavrov) រដ្ឋមន្ត្រីការបរទេសរុស្ស៊ី បានចោទប្រកាន់សហរដ្ឋអាមេរិក និងអង្គការណាតូ ថា ក្រៅពីលូកដៃយ៉ាងជ្រៅជួយអ៊ុយក្រែន ទាំងផ្នែកគ្រឿងសព្វាវុធទំនើៗ និងបណ្ដុះបណ្ដាលដល់ទាហានអ៊ុយក្រែន ដែលស្មើនឹងការដើរតួនាទីដោយផ្ទាល់ទៀតនោះសហរដ្ឋអាមេរិក និងអង្គការណាតូ នៅបានការព្យាយាមបង្កើនភាពតានតឹងនៅសមុទ្រចិនខាងត្បូង និងការប៉ុនប៉ងបំផ្លិចបំផ្លាញស្ថាប័នក្នុងតំបន់ ដែលត្រូវបានគេបង្កើតឡើងដើម្បីលើកកម្ពស់កិច្ចសន្ទនា ដូចជា អង្គការសម្រាប់សន្តិសុខ និងកិច្ចសហប្រតិបត្តិការនៅអឺរ៉ុប និងសហគមន៍ប្រជាជាតិអាស៊ីអាគ្នេយ៍នៅអាស៊ីជាដើម។
![](https://cen.com.kh/wp-content/uploads/2022/12/photo_2022-11-24_07-32-02.jpg)
លោក សឺហ្គៃ ឡាវរ៉ូវ បានសង្កត់ថា យើងកំពុងរំខានដល់បរិក្ខារថាមពលនៅអ៊ុយក្រែន សម្រាប់ជាជម្លោះទ្វេភាគី ប៉ុន្តែលោកខាងលិច បែរជាបញ្ជូនអាវុធដ៍ច្រើនសន្ធឹកសន្ធាប់ចូលទៅជួយអ៊ុយក្រែន ដើម្បីសម្លាប់ជនជាតិរុស្ស៊ី ដូច្នេះកុំនិយាយថា សហរដ្ឋអាមេរិក និងណាតូ មិនមែនជាអ្នកចូលរួមនៅក្នុងសង្រ្គាមនេះឲ្យសោះ គឺអ្នកកំពុងចូលរួមដោយផ្ទាល់ហើយ។ មិនត្រឹមតែជាមួយនឹងការផ្គត់ផ្គង់អាវុធប៉ុណ្ណោះទេ ប៉ុន្តែថែមទាំងមានការបណ្តុះបណ្តាលយោធាដល់ទាហានអ៊ុយក្រែននៅលើទឹកដីរបស់អ្នកទៀតផង តើនេះជាការដើរតួនាទីផ្ទាល់ដែរទេ?៕ រក្សាសិទ្ធិដោយ ៖ ពិសិដ្ឋ CEN
![](https://cen.com.kh/wp-content/uploads/2022/12/photo_2022-11-29_08-37-03-2.jpg)
![](https://cen.com.kh/wp-content/uploads/2022/12/photo_2022-11-29_08-37-03-3-2.jpg)
![](https://cen.com.kh/wp-content/uploads/2022/12/photo_2022-11-29_08-37-03-4-2.jpg)
![](https://cen.com.kh/wp-content/uploads/2022/12/photo_2022-11-29_08-37-03-5.jpg)
![](https://cen.com.kh/wp-content/uploads/2022/12/photo_2022-11-29_08-37-03-6.jpg)
![](https://cen.com.kh/wp-content/uploads/2022/12/photo_2022-11-29_08-37-04-2.jpg)
![](https://cen.com.kh/wp-content/uploads/2022/12/photo_2022-12-01_22-16-47-2.jpg)
![](https://cen.com.kh/wp-content/uploads/2022/12/photo_2022-12-01_22-16-47-3.jpg)
![](https://cen.com.kh/wp-content/uploads/2022/12/photo_2022-12-01_22-16-48-2.jpg)
![](https://cen.com.kh/wp-content/uploads/2022/12/photo_2022-12-02_08-15-09-2-2-1024x576.jpg)
![](https://cen.com.kh/wp-content/uploads/2022/12/photo_2022-12-02_08-15-09-3-1024x577.jpg)