Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ចាប់តាំងពីអាជីវកម្មរុករករ៉ែ បានចាប់ផ្តើមនៅខែមិថុនា ឆ្នាំ២០២១ រហូតមកដល់ពេលនេះ កម្ពុជាផលិតបានមាសចំនួន ៤,៨២ តោន

spot_img

ភ្នំពេញ៖ ចាប់តាំងពីអាជីវកម្មរុករករ៉ែ បានចាប់ផ្តើមកាលពីខែមិថុនា ឆ្នាំ២០២១ រហូតមកដល់ពេលនេះ ប្រទេសកម្ពុជា បានផលិតដុំមាសចំនួន ៤.៨២ តោនហើយ ជាមួយនឹងកំហាប់មាសសុទ្ធ ៩០ ភាគរយ។

បើតាមរដ្ឋមន្ត្រីក្រសួងរ៉ែ និងថាមពល ឯកឧត្តម ស៊ុយ សែម បច្ចុប្បន្ននេះ កម្ពុជាមាន ក្រុមហ៊ុនរុករករ៉ែមាសចំនួន ៤ ដូចជា ក្រុមហ៊ុន Renaissance Minerals ក្រុមហ៊ុន Delcom Kampuchea ក្រុមហ៊ុន Xinshan Industrial (Cambodia) និងក្រុមហ៊ុន Xing Yuan Kanng Yeak ។

បច្ចុប្បន្ន ក្រុមហ៊ុន Renaissance Minerals  បានចម្រាញ់មាសចំនួន ៤,៥៩៨ គីឡូក្រាម   ក្រុមហ៊ុន Delcom Kampuchea បានចំនួន ១៦០គីឡូក្រាម ក្រុមហ៊ុន Xinshan Industrial Cambodia បានចំនួន ៤៥គីឡូក្រាម។

រដ្ឋាភិបាលកម្ពុជា រំពឹងថា នឹងអាចរកចំណូលបានប្រហែល ៤០ លានដុល្លារអាមេរិកជាពន្ធ និងសួយសារអាករក្នុងមួយឆ្នាំ ពីគម្រោងរុករករ៉ែទាំងនេះ។

គួរបញ្ជាក់ថា ប្រទេសកម្ពុជា បានចាប់ផ្តើមអាជីវកម្មទាញយកមាសជាលើកដំបូងនៅស្រុកកែវសីមាខេត្តមណ្ឌលគិរី កាលពីខែមិថុនា ឆ្នាំ២០២១។ ក្រុមហ៊ុន Renaissance Minerals ដែលជាក្រុមហ៊ុនបុត្រសម្ព័ន្ធរបស់ Emerald Resources NL ចុះបញ្ជីនៅអូស្ត្រាលី គឺជាអ្នកអភិវឌ្ឍន៍ការដ្ឋានរុករករ៉ែនេះនៅកម្ពុជា៕​

spot_img
×