កូរ៉េខាងត្បូងបានស្នើឲ្យកូរ៉េខាងជើង បញ្ជូនកងកម្លាំងកាំភ្លើងធំរយៈចម្ងាយឆ្ងាយចេញពីទីតាំងទាំងឡាយនៅព្រំដែនសំដៅកាត់បន្ថយភាពតានតឹងក្នុងកិច្ចចរចាយោធាថ្នាក់ឧត្តមសេនីយ៍កាលពីសប្តាហ៍កន្លងមក ។
កងកម្លាំងកាំភ្លើងធំកូរ៉េខាងជើង ។
ប្រភពព័ត៌មានឲ្យដឹងថា ក្នុងកិច្ចចរចាថ្នាក់ឧត្តមសេនីយ៍លើកដំបូង ក្រុងសេអ៊ូលបានលើកសំណើរមួយចំនួនក្នុងនោះមានការស្នើរឲ្យបណ្តាអង្គភាពកាំភ្លើងធំរបស់កូរ៉េខាងជើងចល័តថយក្រោយពីតំបន់ព្រំដែន ប្រមាណពី ៣០-៤០គីឡូម៉ែត្រ ។
តាមសៀវភៅ “ស” របស់ក្រសួងការពារជាតិកូរ៉េខាងត្បូង កូរ៉េខាងជើងមានកាំភ្លើងធំចំនួន ១៤.១០០គ្រឿង ក្នុងនោះមានប្រភេទកាំភ្លើងធំច្រើនកាណុង ប្រមាណ ៥.៥០០ដើម ហើយវាត្រូវបានដាក់ពង្រាយនៅខ្សែក្រវ៉ាត់ព្រំដែនកូរ៉េខាងត្បូង ៕ សូយន
