កូរ៉េខាងជើង កាលពីពេលថ្មីៗនេះ បានប្រហារជីវិតសិស្សវិទ្យាល័យ៣នាក់ បន្ទាប់ពីត្រូវបានចោទប្រកាន់នាំចូល និងលួចមើលរឿងភាគកូរ៉េខាងត្បូង ហើយត្រូវចាប់បានខណៈពេលពួកគេព្យាយាមចែករំលែកជាមួយមិត្តភក្តិផ្សេងទៀត។
កាលពីថ្ងៃទី៦ ខែធ្នូ ឆ្នាំ ២០២២ គេហទំព័រ allkpop បានរាយការណ៍ថា សិស្សវិទ្យាល័យប្រុស ៣ នាក់ មកពីប្រទេសកូរ៉េខាងជើង ពួកគេត្រូវបានចាប់បានមើល និងនាំចូលរឿងភាគរបស់កូរ៉េខាងត្បូង នៅដើមខែតុលា ឆ្នាំ ២០២២ ហើយលើសពីនោះ ត្រូវបានគេរកឃើញថា ពួកគេកំពុងមើលរឿងភាគអាមេរិកផងដែរ។
ពួកគេត្រូវបានអាជ្ញាធរ ចាប់បានខណៈកំពុងផ្សព្វផ្សាយបន្តបន្ទាប់គ្នា ក្នុងចំណោមមិត្តភ័ក្តិរបស់ពួកគេ។
សូមបញ្ជាក់ថា កាលពីអំឡុងខែធ្នូ ឆ្នាំ២០២២ កូរ៉េខាងជើងបានអនុម័តច្បាប់ថ្មីមួយ ដែលនឹងប្រហារជីវិតអ្នកណាម្នាក់ដែលនឹងនាំចូល ឬចែកចាយតាមប្រព័ន្ធផ្សព្វផ្សាយកូរ៉េខាងត្បូង។ ដោយសារតែអ្នកទស្សនាក្មេងៗ គឺជាគោលដៅមើលរឿងភាគកូរ៉េខាងត្បូង ច្បាប់នេះក៏បានអនុវត្តសូម្បីតែចំពោះអនីតិជន។
ពិតណាស់ នៅពេលសួរថាតើពួកគេបានឃើញហ្គេម Squid និង Crash Landing On You ទេ ជាង 96% នៃអ្នកឆ្លើយសំណួររបស់កូរ៉េខាងជើង បាននិយាយថា «បាទ»៕ រក្សាសិទ្ធិដោយ៖ លឹម ហុង
