ខ្សែក្លឹប Manchester United ផូល ប៉ុកបា (Paul Pogba) បានចូលរួមចំណែកយ៉ាងសំខាន់ ក្នុងកិច្ចប្រឹងប្រែងជួយឲ្យកីឡាករAntoine Griezmann រកបានគ្រាប់បាល់បើកឆាកដោយការទាត់ប៉េណាល់ទីទាំងចម្រូងចម្រាស។
ប៉ុន្តែ Paul Pogba ជួបនូវរដូវកាលដ៏តឹងតែងនៅពហុកីឡាដ្ឋាន Old Trafford ដែលធ្វើឲ្យខ្លួនរងការរិះគន់ពីគ្រូបង្វឹក ចូសេ ម៉ូរីញ៉ូ (Jose Mourinho) និងធ្វើឲ្យអនាគតជាមួយក្លឹបស្ថិតក្នុងភាពមិនច្បាស់លាស់។ ប៉ុកបា ត្រូវក្រុមអ្នកគាំទ្រចំអកដាក់ អំឡុងពេលប្រកួតមិត្តភាពជាមួយក្រុមអ៊ីតាលី។
Paul Pogba បាននិយាយថា “ខ្ញុំបានក្លាយពីកីឡាករដែលមានតម្លៃខ្លួនផ្ទេរខ្ពស់បំផុតក្នុងពិភពលោក ទៅជាកីឡាករដែលរងការរិះគន់ច្រើនបំផុតក្នុងពិភពលោក។ ការរិះគន់តែងតែកើតមាន ហើយវាបែបនេះឯងក្នុងវិស័យបាល់ទាត់”។
Paul Pogba បានបន្តថា “ខ្ញុំមកទីនេះ ដើម្បីធ្វើឲ្យអារម្មណ៍សប្បាយចិត្ត ហើយនេះគឺជាចម្លើយតែមួយគត់ដែលខ្ញុំអាចផ្តល់ជូនអ្នកដែលរិះគន់ចំពោះខ្ញុំឬគិតថា ខ្ញុំជាកីឡាករបែបនេះ៕
សូយន
