ទស្សនិកជនដែលមានវត្តមាននៅទីនោះសរសើរថា Ronaldo មានប្រតិកម្មដោះស្រាយបញ្ហារហ័សណាស់ ។
ក្នុងការប្រកួតមួយកន្លងមកពេលទាត់បាល់មួយជើងនោះ គ្រាប់បាល់បានហើរទៅប៉ះចំមុខអ្នកគាំទ្រម្នាក់ ក្រោយពេលបញ្ចប់តង់ទី១ ភ្លាម កីឡាកររូបនេះបានដើរឆ្ពោះសំដៅទៅកន្លែង “អ្នករងគ្រោះ” ដោយដោះអាវបណ្តើរ ។
ទោះបីគេពុំយល់ពីបំណងរបស់គាត់ក្តី តែពួកគេនាំគ្នាក្រោកឈរហ៊ោកញ្ច្រៀវ និងទះដៃ ។
តាមពិតទៅ Ronaldo ដើរសំដៅរកជនរងគ្រោះដោយសារគ្រាប់បាល់របស់ខ្លួន ។
រូបភាពក្រោយពេល Ronaldo ទាត់ចំបុរសចំណាស់ តែគាត់ត្រូវរង់ចាំដល់ចប់នាទីប្រកួត ។
មួយបាល់របស់ Ronaldo ពិតជាខ្លាំងគួរសម ព្រោះអ្នកគាំទ្ររូបនេះត្រូវការព្យាបាលពីសំណាក់គ្រូពេទ្យនៅនឹងកន្លែង ។
គ្រាន់តែបញ្ចប់ការប្រកួតភ្លាម Ronaldo ស្ទុះទៅកន្លែងជនរងគ្រោះដោយសារគ្រាប់បាល់របស់ខ្លួន ហើយដោះអាវចេញបណ្តើរ។
អ្នកបម្រើប្រចាំបានយកអាវថ្មីមួយទៀតមកឲ្យគាត់ ។
ហើយគាត់បានយកអាវថ្មីនោះទៅកាដូជូនជនរងគ្រោះព្រមទាំងចាប់ឱបថើប និងសុំទោស ។ ទង្វើទាំងនេះពិតជាសក្តិសមជាកំពូលកីឡាករប្រចាំសតវត្សរ៍នេះមែន ៕ លីសា
