តាម The Sun ពិធីបុណ្យសាច់ឆ្កែនៅទីក្រុងយូអាន ប្រទេសចិន ក្រុមមនុស្សវ័យក្មេងយ៉ាងច្រើនកុះករបាននាំគ្នាទៅចូលរួម ទោះបីជាមុននោះវាបានរងការរិះគន់និងថ្កោលទោសយ៉ាងខ្លាំងក្លាក៏ដោយ។ តាំងពីឆ្នាំ២០០៩មក ក្នុងមួយឆ្នាំៗនៅក្នុងទីក្រុងនេះមានឆ្កែប្រមាណ១ម៉ឺនក្បាលដែលមួយភាគធំគឺជាឆ្កែអនាថា ជាឆ្កែត្រូវបានគេលួចយកមកលក់ ហើយពុំសូវមានឆ្កែចិញ្ចឹមត្រូវបានយកមកធ្វើសាច់ឡើយ។
អ្មកអភិរក្សសត្វបានថ្កោលទោសពិធីបុណ្យនេះ ក៏ដូចជាបង្កសម្ពាធដើម្បីឱ្យពូកគេបោះបង់ចោលពិធីបុណ្យនេះ ព្រោះថាវាជាទង្វើព្រៃផ្សៃ ហើយការធ្វើអាហារពីសាច់សត្វទាំងនេះពុំមានអនាម័យ អាចបង្កជាជំងឺបណ្ដាលឱ្យស្លាប់បាន។
យ៉ាងនេះក្ដី ប្រជាជននៅទីក្រុងយូអានវិញបានលើកឡើងថា នេះគឺជាទំនៀមទម្លាប់របស់ពួកខ្លួន ទោះបីមិនដឹងថាទំនៀមទមម្លាប់បែបនេះវាត្រូវឬខុសទេ។
រូបភាពដែលមានឈាមប្រឡាក់ប្រឡូកត្រូវបានផ្សព្វផ្សាយលើបណ្ដាញសង្គម វាគឺជារឿងធម្មតា ព្រោះថាធ្វើសាច់សត្វចៀសណាមិនមានឈាម? ហេតុនេះពួកខ្ញុំសំណូមពរឱ្យមានការវាយតម្លៃគ្រប់ជ្រុងជ្រោយ។
ខាងក្រោមជារូបភាពនៃពិធីបុណ្យសាចឆ្កែនៅទីក្រុងយូអាន ផ្សាយចេញដោយReuters:
