ភ្នំពេញ៖ វិស័យទេសចរណ៍ ជាសសរស្តម្ភមួយ ក្នុងចំណោមសសរស្តម្ភទាំងបួន ដែលជួយទ្រទ្រង់ដល់កំណើនសេដ្ឋកិច្ចប្រទេសកម្ពុជា។ ក្នុងឆ្នាំ២០២២ ភ្ញៀវទេសចរបរទេសមកកម្ពុជា បានកើនដល់ជាង ២ លាននាក់។ បើតាមរបាយការណ៍របស់ក្រសួងទេសចរណ៍ បានបង្ហាញថា ចំនួនភ្ញៀវទេសចរបរទេសមកទស្សនាកម្ពុជាក្នុងឆ្នាំ២០២២ បានកើនឡើង ១,០៥៩ ភាគរយ ដល់ ២,២៨ លាននាក់។
កម្ពុជារំពឹងថា នឹងទទួលភ្ញៀវទេសចរអន្តរជាតិប្រមាណ ២ លាននាក់នៅឆ្នាំ ២០២២ និងសង្ឃឹមថា ចំនួនភ្ញៀវទេសចរអន្តរជាតិ នឹងត្រឡប់ទៅកម្រិតមុនកូវីដ-១៩ ចំនួន ៧ លាននាក់នៅឆ្នាំ ២០២៦ ឬ ២០២៧។
គួរបញ្ជាក់ថា នៅមុនពេលមានការរាតត្បាតជំងឺកូវីដ១៩ កម្ពុជាបានទទួលបានភ្ញៀវទេសចរអន្តរជាតិចំនួន ៦,៦ លាននាក់ ក្នុងឆ្នាំ២០១៩ បង្កើតប្រាក់ចំណូលបានចំនួន ៤,៩២ ពាន់លានដុល្លារ។
ក្រសួងទេសចរណ៍ ក៏បានលើកឡើងដែរថា ជើងហោះហើរចំនួន ១០៩៣៨ បានហោះហើរក្នុងប្រទេស កើនឡើងពីចំនួន ២,១៣៩ ជើង ដែលបានកត់ត្រាក្នុងឆ្នាំ ២០២១ ក្នុងនោះ អាកាសយានដ្ឋានអន្តរជាតិភ្នំពេញមាន ៨៧៤០ ជើង អាកាសយានដ្ឋានអន្តរជាតិសៀមរាប ១៧៣៨ ជើង និង ៦៤០ ជើងផ្សេងទៀត តាមរយៈអាកាសយានដ្ឋានអន្តរជាតិព្រះសីហនុ៕
