ម្ចាស់ហាងបញ្ចាំមួយនៅវៀតណាម បានថ្លែងប្រាប់អ្នកកាសែតថា ហាងបញ្ចាំរបស់ខ្ញុំរៀងរាល់រដូវ World Cup ឃើញមានអ្នកមកបញ្ចាំលើសពីថ្ងៃធម្មតា ២០ ដង ក្នុងនោះរបស់យកមកបញ្ចាំ គឺភាគច្រើនគឺ ទូរស័ព្ទ, Laptop, ម៉ូតូ… ។ល។
ប៉ុន្តែ នៅថ្ងៃដែលក្រុមអាហ្សង់ទីនទាត់ចាញ់ ក្រូអាត ៣-០ ស្រាប់តែក្រោយពេលអាប៊ីតផ្លុំកញ្ចែបញ្ចប់ក្រកួតមិនបាន ១៥ នាទី ផង ស្រាប់តែក្រុម «ខ្មោចភ្នាល់បាល់» មិនដឹងមកពីណាទេ បានពពាក់ពពួនប្រជ្រៀតគ្នាពេញមុខហាងបញ្ចាំរបស់ខ្ញុំ ។ ខ្ញុំមានហាងបញ្ចាំ២ជាប់គ្នា ហើយបុគ្គលិករបស់ខ្ញុំត្រូវបន្តការងាររហូតទល់ភ្លឺទើបរួចរាល់ ។
លោកដឹងទេថា គ្រាន់តែប្រមាណ២ម៉ោងសោះ ហាងទាំងពីររបស់ខ្ញុំបានទទួលបញ្ចាំទូរស័ព្ទ ៥០០ គ្រឿង, Laptop, ម៉ូតូ និងទ្រព្យសម្បត្តិផ្សេងៗទៀត ។ល។ លុយបំរុងរបស់ខ្ញុំក៏បានអស់ពីទូដែកផងដែរ ។ ខ្ញុំបានសាកល្បងសួរទើបដឹងថា ក្រុមអ្នកទាំងនោះ បានចាក់កៅអីលើក្រុមអាហ្សង់ទីន ក្នុងចំនួនទឹកលុយ «ក្រាស់» ហេតុនេះពេលចាញ់ ក៏ពិតជាដល់កដែរ ។ តាមអ្នកកាសែត vn.net ទោះបីជាការប្រាក់ដល់ទៅ ១% ក្នុង១ថ្ងៃក្តី ប៉ុន្តែ ក្នុងរដូវ Wold Cup នេះ ពួកហាងបញ្ចាំមានច្បាប់ ត្រូវធ្វើការ ២៤ម៉ោង/២៤ ម៉ោង ក៏ហាក់ដូចជាពុំគ្រប់គ្រាន់ឆ្លើយតបនឹងតម្រូវការរបស់ពួក «ខ្មោចភ្នាល់បាល់» ដែរ ។
ពិតជាសាហាវមែន! ពួកអ្នកភ្នាល់បាល់នៅវៀតណាម ចុះខ្មែរយើងវិញ ៕ សុបិន្ត
