ប៉ូលិសអាហ្សង់ទីន បានចាប់រឹបអូសកូកាអ៊ីន លាក់ក្នុងពានមាសដែលគេធ្វើលក់សម្រាប់អ្នកគាំទ្រកីឡា ។ កងកម្លាំងប៉ូលិសប្រឆាំងគ្រឿងញៀនអាហ្សង់ទីន ទើបកម្ចាត់ក្រុមជួញដូរគ្រឿងញៀនមួយដែលលាក់កូកាអ៊ីន និងកញ្ឆា នៅក្នុងពានមាស (យកលំនាំតាម) ដែលគេធ្វើលក់ឲ្យអ្នកគាំទ្របាល់ទាត់ពិភពលោក ។
តាមចម្លើយសារភាពរបស់មុខសញ្ញាទាំងនោះឲ្យដឹងថា ពួកគេបានប្រើប្រាស់ ខណៈពេលប្រព្រឹត្តទៅនៃការប្រកួតផ្តាច់ព្រ័ត្រ World Cup ដើម្បីដឹកជញ្ជូនគ្រឿងញៀនតាមរយៈពានមាសបំណងបំបាំងភ្នែកសមត្ថកិច្ច ។
ក្នុងករណីនេះ ប៉ូលិសចាប់បានមុខសញ្ញា ៩នាក់ ហើយរឹបអូសបានកូកាអ៊ីន ១០គីឡូក្រាម កញ្ឆា ២០គីឡូក្រាម និងគ្រឿងញៀនគ្រាប់ ១.៨០០គ្រាប់ និងអាវុធព្រមទាំងសាច់ប្រាក់ ។
ជនល្មើសសារភាពថា ក្នុងពានមាសនីមួយពួកគេអាចលាក់កូកាអ៊ីនបានប្រមាណ ១,៥ គីឡូក្រាម ៕ សូយន
