អាជ្ញាធរអូស្ត្រាលី បានចាប់បានក្មេងប្រុសម្នាក់ដែលរស់នៅក្នុងព្រៃជាមួយនឹងសត្វកងគូរូជាច្រើន នៅក្នុងរដ្ឋ New South Wales។ ក្មេងប្រុសនោះមានលក្ខណៈកាចដូចជាសត្វអញ្ជឹង នៅពេលគេចាប់បាន។
មុនពេលចាប់បានក្មេងប្រុសរស់នៅជាមួយសត្វនោះ មានមនុស្សជាច្រើន ក៏ដូចជាសេចក្តីរាយណ៍មកហូរហែរដែរថា ពួកគេបានឃើញមានក្មេងប្រុសម្នាក់រស់នៅជាមួយសត្វនៅក្នុងតំបន់ខាងលើ។
ក្មេងប្រុសនោះត្រូវបានគេប្រទះឃើញថា ហែរហមដោយសត្វកងគូរូមួយក្រុម ដែលទំនងគេជឿជាក់ថា ក្មេងនោះត្រូវបានចិញ្ជឹមដោយពួកសត្វនោះតែម្តង។
បន្ទាប់ពីចាប់បាន គេបញ្ជូនក្មេងប្រុសដែលមានអាយុ ប្រហែល ៤ទៅ ៦ឆ្នាំ ទៅកាន់មន្ទីរពេទ្យភ្លាមៗ ដើម្បីរងចាំការកំណត់អាយុ និងអត្តសញ្ញាណរបស់ក្មេងនោះ។
ប៉ូលិសបញ្ជាក់ថា “ក្មេងប្រុសនោះមានការភ័យខ្លាំង និងកាចដូចសត្វនៅពេលមនុស្សដើរចូលទៅជិតគេ។ ហើយការចាំគេ ក៏មានការពិបាកខ្លាំងដោយសារតែមានសត្វកងគូរូមួយក្រុម ការពារគេ”។
ម្ចាស់កសិដ្ឋានជាច្រើន បានរាយការណ៍ថា ពួកគេបានឃើញក្មេងប្រុសនោះដើរជាមួយនឹងកងគូរ៉ូ នៅតាមកសិដ្ឋានរបស់ពួកគេ ដើររកផ្លែឈើធ្លាក់ គ្រាប់ផ្លែឈើជាដើម។ កាលពីខែមេសា កន្លងទៅបុរសម្នាក់ក៏បានអះអាងផងដែរថា គាត់បានឃើញក្មេងប្រុសខាងលើស្ថិតនៅដីរបស់គាត់ ហើយក្មេងប្រុសនោះស៊ីស្មៅ និងផ្កាជាមួយនឹងសត្វ៕ សុភ័ក្ត្រ