កំពង់ស្ពឺ ៖ យោងតាមកម្មវិធីបុណ្យ បានបញ្ជាក់ថា ខ្ញុំព្រះករុណា អាត្មាភាព ជាព្រះថចៅអធិការ រួមនិងអាចារ្យគណៈកម្មការ ពុទ្ធបរិស័ទចំណុះជើង វត្តអង្គវៀន ព្រមទាំងពុទ្ធបរិស័ទ្ធជិតឆ្ងាយ និងសប្បុរសជននានា បានមូលមត្តិគ្នាជាឯកច្ឆ័ន្ធផ្តើមកសាង ព្រះវិហារថ្មី និង សមិទ្ធិផលនានា ក្នុង វត្តអង្គវៀន ស្ថិតនៅឃុំទឹកល្អក់ ស្រុកគងពិសី ខេត្តកំពង់ស្ពឺ ដែលទើបនឹងកសាងហើយ រួចរាល់ជាស្ថាពរ នាពេលថ្មីៗនេះ ។ ដូច្នេះទើប ខ្ញុំព្រះករុណា អាត្មាភាព យើងខ្ញុំទាំងអស់គ្នា បានជ្រើសរើសថ្ងៃល្អ ដើម្បីធ្វើ ពិធីបុណ្យបញ្ចុះខណ្ឌសីមា និងសម្ភោធសមិទ្ធិផលនានា ក្រោមអធិបតីភាពលោក ជំទាវមហាឧបាសិកា ហ៊ុន សេងនី ។
អាស្រ័យដូចបានចម្រើនពរប្រគេន ទូលថ្វាយ និងជម្រាបជូនខាងលើ ខ្ញុំព្រះករុណា អាត្មាភាព យើងខ្ញុំទាំង អស់គ្នាមានកិត្តិយស សូមអារាធនានិមន្ត ព្រះថេរានុថេរៈគ្រប់ព្រះអង្គ និងសូមគោរពអញ្ជើញ ឯកឧត្តម អ្នកឧកញ៉ លោកជំទាវ លោក លោកស្រី អ្នកនាងកញ្ញា លោកតា លោកយាយ និងពុទ្ធបរិស័ទ្ទជិតឆ្ងាយ អញ្ជើញចូលរួមជា អធិបតី និងជាភ្ញៀវកិត្តិយស ក្នុង ពិធីបុណ្យបញ្ចុះខណ្ឌសីមា និងសម្ភោធសមិទ្ធិផលនានា ឲ្យបានច្រើនកុះករ និង អនុមោទនាទទួលយកកុសលផលបុណ្យ តាមកម្លាំងសទ្ធាជ្រះថ្លារៀងៗខ្លួន ៕ រក្សាសិទ្ធិដោយ ៖ CEN
