បន្ទាប់ពីជិវភាពពិតក្រោយសិល្បៈរបស់លោក ចាន់ សម័យ ត្រូវបានលាតត្រដាង បានធ្វើឱ្យទស្សនិកជនជាច្រើនភ្ញាក់ផ្អើល និងអាណិតយ៉ាងខ្លាំង ដោយសារតែភាពខ្វះខាត ហើយថែមទាំងមានជម្ងឺប្រចាំកាយថែមទៀតផង ។
ជាមួយគ្នានេះដែរ ក៏មានមិត្តសិល្បៈករមួយចំនួនបានចូលរួមចំណែកជួយជាថវិការ ក៏ដូចជារបស់របរប្រើប្រាស់បន្តិចបន្តួចផងដែរ ជាក់ស្ដែងដូចជាថ្ងៃនេះ តារាជើងចាស់ ស៊ិន ឧត្តមផល្លា បាននាំយកអំណោយជាទឹកចិត្តផ្ទាល់ខ្លួន មួយចំនួន ឧបត្ថមដល់ក្រុមគ្រួសាររបស់លោក ចាន់ សម័យ ហើយជាមួយគ្នានេះ អ្នកនាង ក៏បានសរសេរថា «ថ្ងៃនេះនាងខ្ញុំបានមកដល់ផ្ទះលោក ចាន់ សម័យ និងបាននាំយកអំណោយក៏ដូចជាថវិកាផ្ទាល់ខ្លួនរបស់នាងខ្ញុំមកជូនគាត់និងក្រុមគ្រួសារ។ ក៏សូមថ្លែងអំណរគុណដល់ប្អូន ម្លិះរួតកាត់ដេរ ដែលបានជូនថវិកាដល់លោក ចាន់ សម័យ ចំនួន ៤ម៉ឺនរៀល និងប្អូន Angel Locsin ចំនួន១៥ម៉ឺនរៀល» ។
សព្វថ្ងៃក្រុមគ្រួសារលោក ចាន់ សម័យ ដោយមានកូន ៥នាក់ក្នុងបន្ទុក កំពុងស្នាក់នៅបន្ទប់ជួលក្នុងខែ ១០០ដុល្លារ នៅម្ដុំស្ពានជ្រោយចង្វារ ៕ សាវុធ
