ប្រព័ន្ធផ្សព្វផ្សាយរដ្ឋនៅប្រទេសអ៉ីរ៉ង់ ជាពិសេស ទូរទស្សន៍ State TV បានចាក់ផ្សាយ នៅថ្ងៃព្រហស្បតិ៍ម្សិលមិញនេះថា អ៉ីរ៉ង់បានធ្វើការសាកល្បងដោយជោគជ័យ នូវមីស៉ីលបាលិស្ទីគមួយគ្រាប់ ប្រភេទចម្ងាយ ២,០០០គីឡូម៉ែត្រ បន្ទាប់ពីប៉ុន្មានថ្ងៃមុន, ហើយថា ប្រមុខកងកម្លាំងប្រដាប់អាវុធប្រទេសអ៉ីស្រាអែល បានលើកឡើងអំពីលទ្ធភាពនៃការធ្វើសកម្មភាពប្រឆាំងទីក្រុងតេហេរ៉ង់ ជុំវិញកម្មវិធីអាវុធនុយក្លេអ៊ែររបស់អ៉ីរ៉ង់។
![](https://cen.com.kh/wp-content/uploads/2023/05/photo_2023-05-26_10-10-23-1024x576.jpg)
ប្រព័ន្ធផ្សព្វផ្សាយអ៉ីរ៉ង់ State TV បានចាក់ផ្សាយអះអាងថា នេះគឺជាឃ្លីបវីដេអូមីស៉ីលស៊េរីថ្មីជំនាន់ទី៤ នៃត្រកូលមីស៉ីលបាលិស្ទីគ កូរ៉ុមសា (Khorramshahr) របស់ខ្លួន ដែលអាចបាញ់បានចម្ងាយ ២,០០០គីឡូម៉ែត្រ ហើយអាចផ្ទុកក្បាលគ្រាប់បានមួយទម្ងន់ ១,៥០០គីឡូក្រាម។
ចំណែក ទីភ្នាក់ងារព័ត៌មាន IRNA បាននិយាយថា មីស៉ីលបាលិស្ទីគនោះមានឈ្មោះថា ខៃបា (Khaibar)។ ដោយមានកម្មវិធីមីស៉ីល ធំបំផុតមួយនៅតំបន់មជ្ឈិមបូព៌ា អ៉ីរ៉ង់បាននិយាយថា អាវុធរបស់ខ្លួនមានសមត្ថភាព ហោះដល់អ៉ីស្រាអែល ព្រមទាំងមូលដ្ឋានយោធាអាមេរិក នៅក្នុងតំបន់។
![](https://cen.com.kh/wp-content/uploads/2023/05/photo_2023-05-26_10-10-24-2.jpg)
ទោះជាមានការជំទាស់ពីទីក្រុងវ៉ាស៉ីនតោន និងក្រុមប្រទេសអឺរ៉ុបយ៉ាងណាក៏ដោយ ទីក្រុងតេហេរ៉ង់ធ្លាប់បានអះអាងថា នឹងបន្ត ប្រឹងប្រែងអភិវឌ្ឍកម្មវិធីមីស៉ីលរបស់ខ្លួនតទៅមុខទៀត ឥឡូវបានសម្រេចជាបន្តបន្ទាប់ហើយ។
ករណីការផលិតមីស៉ីលបាលិស្ទីគរបស់ប្រទេសអ៊ីរ៉ង់នេះ មិនត្រូវបានប្រទេសអ៉ីស្រាអែលគាំទ្រ ឬពេញចិត្ត ឬទទួលស្គាល់នោះឡើយ គឺចាត់ទុកអ៉ីរ៉ង់ជាការគំរាមកំហែងចំពោះអត្ថិភាពរបស់ខ្លួន ខណៈអ៉ីរ៉ង់បានលើកឡើងថា មីស៉ីលបាលិស្ទីគរបស់ខ្លួន គឺជាវត្ថុសម្រាប់ទប់ស្កាត់ និងវាយបកសងសឹកទៅវិញយ៉ាងសំខាន់ ប្រឆាំងនឹងអាមេរិក អ៉ីស្រាអែល ក៏ដូចជាគូសត្រូវដទៃទៀត ដែលអាចលេចមុខឡើងនៅក្នុងតំបន់។
![](https://cen.com.kh/wp-content/uploads/2023/05/photo_2023-05-26_10-10-24-1024x576.jpg)
កាលពីថ្ងៃអង្គារសប្តាហ៍ប៉ុន្មានថ្ងៃមុននេះ មេទ័ពកំពូលអ៉ីរ៉ង់ ទើបតែបានលើកឡើងពីលទ្ធភាព នៃការធ្វើសកម្មភាពប្រឆាំងអ៉ីរ៉ង់ ខណៈដែលកិច្ចប្រឹងប្រែងដោយមហាអំណាចពិភពលោក ទាំង៦ ក្នុងការស្តារកិច្ចព្រមព្រៀងនុយក្លេអ៊ែរអ៉ីរ៉ង់ឆ្នាំ២០១៥ បានបន្តជាប់គាំងចាប់តាំងពីខែកញ្ញា ឆ្នាំមុន ចំគ្រាដែលលោកខាងលិច មានក្តីបារម្ភកើនឡើងអំពីភាពរីកចម្រើននៃវិស័យនុយក្លេអ៊ែររបស់អ៉ីរ៉ង់ ប៉ុន្តែទីក្រុងតេហេរ៉ង់បានបដិសេធថា ខ្លួនពុំមានបំណងចង់ផលិត អាវុធនុយក្លេអ៊ែរឡើយ ប៉ុន្តែការធ្វើនេះក៏ដើម្បីជាការ ការពារខ្លួននោះទេ៕ រក្សាសិទ្ធដោយ ៖ ពិសិដ្ឋ CEN
![](https://cen.com.kh/wp-content/uploads/2023/05/photo_2023-04-28_09-23-56-2.jpg)
![](https://cen.com.kh/wp-content/uploads/2023/05/photo_2023-04-28_09-23-56-1024x894.jpg)
![](https://cen.com.kh/wp-content/uploads/2023/05/photo_2023-04-28_09-24-00-2.jpg)
![](https://cen.com.kh/wp-content/uploads/2023/05/photo_2023-04-28_09-24-00.jpg)
![](https://cen.com.kh/wp-content/uploads/2023/05/photo_2023-04-28_09-24-01.jpg)
![](https://cen.com.kh/wp-content/uploads/2023/05/photo_2023-04-28_09-24-02.jpg)
![](https://cen.com.kh/wp-content/uploads/2023/05/photo_2023-04-28_09-24-03.jpg)
![](https://cen.com.kh/wp-content/uploads/2023/05/photo_2023-05-23_15-24-44.jpg)
![](https://cen.com.kh/wp-content/uploads/2023/05/photo_2023-05-24_09-18-30.jpg)
![](https://cen.com.kh/wp-content/uploads/2023/05/photo_2023-05-24_09-18-31-2-2.jpg)
![](https://cen.com.kh/wp-content/uploads/2023/05/photo_2023-05-24_09-18-31-3-1.jpg)
![](https://cen.com.kh/wp-content/uploads/2023/05/photo_2023-05-24_09-18-31-1.jpg)