បច្ចុប្បន្ននេះ ទីផ្សារការងាររបស់អ្នកនាង អ៊ីត តារាកំប្លែងដ៏មានប្រជាប្រិយភាពនៅក្នុងស្ថានីយទូរទស្សន៍ CTN កំពុងកាក់កប ហើយជីវភាពរបស់អ្នកនាង ក៏កាន់តែមានបាន គួរឱ្យកត់សម្គាល់ ជាក់ស្ដែងដូចជាថ្មីៗនេះ អ្នកនាងបានទិញរថយន្តទំនើបមួយគ្រឿងតម្លៃខ្ទង់ម៉ឺនដុល្លារ ខណៈដែលអ្នកនាងក៏កំពុងសាងសង់វីឡាដ៏ស្កឹមស្កៃនៅស្រុកកំណើតផងដែរ ។
ស្របពេលដែលវិស័យសិល្បៈនេះមានភាពរីកចម្រើន តារាស្រីរូបនេះ ក៏ចាប់ផ្តើមដឹកដៃកូនស្រីជាទីស្រលាញ់ ឱ្យដើរតាមគន្លងនាងដែរដោយកូនស្រីរបស់នាងជំនាញខាងរាំ និងច្រៀងបានយ៉ាងពីរោះ ជាពិសេសបានលេចមុខនៅក្នុងកញ្ចក់ទូរទស្សន៍ជាច្រើនលើកទៀតផង ៕ សាវុធ
