ប្រិយមិត្តជាច្រើន ពិសេសអ្នកនិយមលេងបណ្ដាញសង្គមហ្វេសប៊ុកច្បាស់ជាទប់សំណើចមិនជាប់ បន្ទាប់ពីបានឃើញវីដេអូឃ្លីប ជូនពរពីសំណាក់កូនៗនាយ ពាក់ មី ដែលបានជូនពរនាយ នៅថ្ងៃកំណើត ។
នៅក្នុងវីដេអូឃ្លីប បានបង្ហាញឱ្យឃើញពីកូនៗនាយពាក់មីទាំង៣នាក់ ហើយក្នុងនោះកូនស្រីបងឈ្មោះ ស្រី ខួច ក៏បានជូនពរលោកប៉ារបស់ខ្លួន ឱ្យលោកប៉ាអាយុវែង និងកុំឱ្យមានស្រី ចំណែកកូនទី២ ឈ្មោះ អូន តួ បានជូនពរលោកប៉ារបស់គេឱ្យសុខសប្បាយ ព្រមទាំងកុំមានស្រី និងឈ្លោះគ្នាជាមួយម៉ាក់របស់គេ ។
ទោះជាយ៉ាងណាក្ដី សម្រាប់ពាក្យពេជន៍ជូនពរ ពីសំណាក់កូនៗរបស់នាយ ពាក់ មី បានធ្វើឱ្យនាយគ្មានពាក្យអ្វីតបឡើយ ហើយនេះក៏មិនមែនជាលើកទី១ដែរ ដែលកូនៗរបស់នាយ ពាក់ មី និយាយថា លោកប៉ារបស់ខ្លួន តែងតែមានស្រីក្រៅ ។
ខាងក្រោមនេះ គឺជាវីដេអូឃ្លីបទាំងស្រុង ដែលបានបង្ហោះដោយនាយ ពាក់ មី ៕ សាវុធ
