ភ្នំពេញ៖ អគ្គនាយកដ្ឋានពន្ធដារ (GDT) បានប្រមូលចំណូលពន្ធចំនួន ៣.០៦ ពាន់លានដុល្លារ ក្នុងរយៈពេល១០ខែ ឆ្នាំ២០២៣។ តួលេខនេះ ត្រូវបានចេញផ្សាយកាលពីថ្ងៃទី១៥ ខែវិច្ឆិកា ក្នុងកិច្ចប្រជុំប្រចាំខែ ដឹកនាំដោយឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកនៃអគ្គនាយកដ្ឋានពន្ធដារ ។
ឯកឧត្តម គង់ វិបុល បានថ្លែងថា ការប្រមូលចំណូលពន្ធក្នុងរយៈពេលដប់ខែស្មើនឹង ៨៥,៨ ភាគរយនៃផែនការថវិកាប្រចាំឆ្នាំ។ នៅក្នុងខែតុលាតែមួយ អគ្គនាយកដ្ឋានពន្ធដារGDT រកចំណូលបានប្រហែល ២៦០លានដុល្លារពីការប្រមូលពន្ធ។
ឯកឧត្តម បន្តថា ទំនើបភាវូបនីយកម្ម បានធ្វើឱ្យអត្រាការចុះបញ្ជីកាន់តែប្រសើរឡើង ការធ្វើឱ្យប្រសើរឡើងនូវសេវាកម្មអ្នកជាប់ពន្ធ និងការបំពេញឯកសារបង់ពន្ធ បន្ថែមពីលើការពង្រីកកន្លែងរក្សាទុកទិន្នន័យ ក្នុងចំណោមរបស់ផ្សេងៗទៀត។
គួរជម្រាបថា កម្ពុជាមានស្ថាប័នចំនួនពីរ ដែលទទួលខុសត្រូវក្នុងការប្រមូលពន្ធ។ ទី១ គឺអគ្គនាយកដ្ឋានពន្ធដារ (GDT) ដែលផ្តោតលើពន្ធផ្ទៃក្នុងដូចជា ពន្ធលើប្រាក់ចំណូល ពន្ធលើប្រាក់បៀវត្សរ៍ ពន្ធលើតម្លៃបន្ថែម និងពន្ធអចលនទ្រព្យ ទី២ គឺអគ្គនាយកដ្ឋានគយ (GDCE) ដែលប្រមូលពន្ធពីទំនិញនាំចូល និងនាំចេញ៕
