ភ្នំពេញ៖ ស្រ្តីសង្ស័យម្នាក់ ដែលប្រើប្រាស់គណនីតេឡេក្រាមឈ្មោះ Emily Emily ឆាតទៅជនរងគ្រោះដើម្បីចចារទិញកាបូបម៉ាក CHANEL COCO LIZARD HANDLE ក្នុងតម្លៃ៣៨០០ដុល្លារ ហើយមិនបានទូរទាត់ប្រាក់ឲ្យជនរងគ្រោះ ត្រូវបញ្ជូនជនសង្ស័យទៅសាលាដំបូងរាជធានីភ្នំពេញ នៅថ្ងៃទី ០៧ ខែ ធ្នូ ឆ្នាំ ២០២៣។
នាថ្ងៃទី ០៥ ខែ ធ្នូ ឆ្នាំ ២០២៣ នាយកដ្ឋានប្រឆាំងបទល្មើសបច្ចេកវិទ្យា បានធ្វើការឃាត់ខ្លួនជនសង្ស័យម្នាក់ ភេទស្រី តាមដីការបង្គាប់ឲ្យនាំខ្លួនរបស់លោក ស សំណាង ចៅក្រមស៉ើបសួរ នៃសាលាដំបូងរាជធានីភ្នំពេញ ពីបទឆបោក ដែលប្រព្រឹត្តទៅនៅរាជធានីភ្នំពេញ ដោយកាលពី ថ្ងៃទី២៥ ខែមករា ឆ្នាំ២០២៣ យោងបណ្តឹងរបស់ជនរងគ្រោះដែលបានមកដាក់ពាក្យបណ្តឹងនៅនាយកដ្ឋានប្រឆាំងបទល្មើសបច្ចេកវិទ្យា។
![](https://cen.com.kh/wp-content/uploads/2023/12/photo_2023-12-07_21-07-19-671x1024.jpg)
ជនសង្ស័យខាងលើបានប្រើប្រាស់គណនីតេឡេក្រាមឈ្មោះ Emily Emily ឆាតទៅជនរងគ្រោះដើម្បីចចារទិញកាបូបម៉ាក CHANEL COCO LIZARD HANDLE ក្នុងតម្លៃ៣៨០០ដុល្លា។ ក្រោយពីបានទទួលកាបូបរួច ជនសង្ស័យមិនបានទូរទាត់ប្រាក់ឲ្យជនរងគ្រោះឡើយ ។
បច្ចុប្បន្ននាយកដ្ឋានប្រឆាំងបទល្មើសបច្ចេកវិទ្យា បានបញ្ជូនជនសង្ស័យទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធីនៃច្បាប់៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2023/12/photo_2023-12-07_21-07-18.jpg)