រាជធានីភ្នំពេញ ៖ នៅថ្ងៃទី ២ ខែមេសាឆ្នាំ២០២៤ រដ្ឋបាលរាជធានីភ្នំពេញ បានចេញសេចក្តីជូនដំណឹងថា អនុវត្តតាមប្រសាសន៍ដឹកនាំដ៏ខ្ពង់ខ្ពស់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្តី នៃព្រះរាជាណាចក្រកម្ពុជា ក្នុងកិច្ចប្រជុំពេញអង្គគណៈរដ្ឋមន្ត្រី នៅទីស្តីការគណៈរដ្ឋមន្ត្រី (វិមានសន្តិភាព) កាលពី ថ្ងៃទី១៥ ខែមីនា ឆ្នាំ២០២៤ រដ្ឋបាលរាជធានីភ្នំពេញនឹងរៀបចំរថយន្តក្រុងចំនួន ៤៥៥គ្រឿង សម្រាប់បម្រើសេវា ដឹកជញ្ជូនសាធារណៈ រយៈពេល ៦ថ្ងៃ ចាប់ពីថ្ងៃទី១២ ដល់ថ្ងៃទី១៧ ខែមេសា ឆ្នាំ២០២៤ ដោយមិនបង់ប្រាក់ ដើម្បីជួយសម្រួលដល់ការចំណាយជូនបងប្អូនប្រជាពលរដ្ឋ ក្នុងការធ្វើដំណើរទៅលេងស្រុកកំណើត ជួបជុំបងប្អូន ក្រុមគ្រួសារ ក្នុងពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំរោង ឆស័ក ព.ស.២៥៦៨ គ.ស.២០២៤ ដោយក្នុងនោះ៖ ១-សម្រាប់សេវាដឹកជញ្ជូនប្រជាពលរដ្ឋនៅក្នុងរាជធានីភ្នំពេញ៖ ប្រើប្រាស់រថយន្តក្រុងចំនួន ៦០គ្រឿង។ ២-សម្រាប់សេវាដឹកជញ្ជូនប្រជាពលរដ្ឋ ដែលនឹងធ្វើដំណើរពីរាជធានីភ្នំពេញទៅតាមបណ្តាខេត្ត និងពីបណ្តាខេត្តត្រលប់មករាជធានីភ្នំពេញវិញ៖ ប្រើប្រាស់រថយន្តក្រុងចំនួន ៣៩៥គ្រឿង ។
![](https://cen.com.kh/wp-content/uploads/2024/04/abbd0910e4339c410411db47162887a3.jpg)
ទន្ទឹមនឹងនេះ ដើម្បីសម្រួលដល់ការធ្វើដំណើរទៅលេងស្រុកកំណើតរបស់បងប្អូនប្រជាពលរដ្ឋ រដ្ឋបាលរាជធានីភ្នំពេញ ក៏បានរៀបចំទឹកពិសាបរិសុទ្ធដោយឥតគិតថ្លៃនៅក្នុងរថយន្តក្រុងនីមួយៗ តាមគោលដៅចេញដំណើរ។ ឆ្លៀតក្នុងឱកាសនេះ រដ្ឋបាលរាជធានីភ្នំពេញ សូមអំពាវនាវដល់ម្ចាស់ក្រុមហ៊ុន និងម្ចាស់រថយន្តដឹកជញ្ជូន អ្នកដំណើរទាំងអស់ឱ្យរក្សាតម្លៃដឹកជញ្ជូននៅដដែល ដោយពុំតម្លើងថ្លៃ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំរោង ឆស័ក ព.ស.២៥៦៨ គ.ស.២០២៤ ខាងមុខនេះ ដើម្បីរួមចំណែកជាមួយរាជរដ្ឋាភិបាល និងរដ្ឋបាលរាជធានី ភ្នំពេញក្នុងការជួយសម្រួលដល់ជីវភាពរស់នៅរបស់បងប្អូនប្រជាពលរដ្ឋ។ សូមបងប្អូនប្រជាពលរដ្ឋទាំងអស់មេត្តាជ្រាប និងចូលរួមធ្វើដំណើរតាមរថយន្តក្រុង របស់រដ្ឋាករស្វយ័តដឹកជញ្ជូនសាធារណៈរថយន្តក្រុង (City Bus) រាជធានីភ្នំពេញ ប្រកបដោយសុវត្ថិភាព និងផាសុកភាព៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2024/04/a8432a5f31d8815dd6142b454035f722-722x1024.jpg)
![](https://cen.com.kh/wp-content/uploads/2024/04/4f4fccd03730adfcb7e3a2d419d6e2d3-724x1024.jpg)
![](https://cen.com.kh/wp-content/uploads/2024/04/95ac9cfff3ca633b02df7569b98fa37f.jpeg)
![](https://cen.com.kh/wp-content/uploads/2024/04/bb5ba1aaf4d15c6cf9295269e5fe3060-1024x683.jpg)
![](https://cen.com.kh/wp-content/uploads/2024/04/33a35ba0b0f32d1e323b152eb385467a-1024x767.jpg)
![](https://cen.com.kh/wp-content/uploads/2024/04/63d9ca4aec57b6748236da1bbb7e6c24.jpg)
![](https://cen.com.kh/wp-content/uploads/2024/04/380a113a78d1f9ed87f99c9ce54fd885.jpg)
![](https://cen.com.kh/wp-content/uploads/2024/04/2402513d7a8a8e7327b6c1e81172f378.jpeg)
![](https://cen.com.kh/wp-content/uploads/2024/04/28ae8285a908fa7cd4be73091ffd33a3.jpeg)
![](https://cen.com.kh/wp-content/uploads/2024/04/f0f0e15698572ec15c44c4643a663258.jpeg)
![](https://cen.com.kh/wp-content/uploads/2024/04/42d70f17a1e95550c7e286170cb29d7e.jpg)
![](https://cen.com.kh/wp-content/uploads/2024/04/4294094ee268efc9c405037f2e47e0b7.jpg)
![](https://cen.com.kh/wp-content/uploads/2024/04/d28163f110e2d85bcc9b5d062198b05a.jpg)
![](https://cen.com.kh/wp-content/uploads/2024/04/2891248607776b59b03e07b96779d452.jpg)
![](https://cen.com.kh/wp-content/uploads/2024/04/12d0130876f183a4e7b7b0c6371faf4c.jpg)
![](https://cen.com.kh/wp-content/uploads/2024/04/98b6fbbcd34e9d4245d8fde74a587a50.jpg)
![](https://cen.com.kh/wp-content/uploads/2024/04/0feb9dc361a6b0ca38ee0875e262c750.jpg)
![](https://cen.com.kh/wp-content/uploads/2024/04/5be9f63a08ef035905982f6fc4a2b689.jpg)
![](https://cen.com.kh/wp-content/uploads/2024/04/abbd0910e4339c410411db47162887a3-1.jpg)
![](https://cen.com.kh/wp-content/uploads/2024/04/316781fbd945df11dfaf4647bf3816c5.jpg)