ពហុកីឡដ្ឋានជាតិ បានបំពាក់កៅអីស្ដង់ដាអន្តរជាតិ រួចរាល់ ១០០% ហើយ

ភ្នំពេញ ៖ ការបំពាក់កៅអីមានបង្អែកថ្មី ដែលស្របតាមស្តង់ដាគោលការណ៍សហព័ន្ធបាល់ទាត់អន្តរជាតិ( FIFA) និងសហព័ន្ធបាល់ទាត់ទ្វីបអាស៊ី( AFC) នៅពហុកីឡដ្ឋានជាតិ រួចរាល់ជាស្ថាពរ ។ ពហុកីឡដ្ឋានជាតិ ត្រៀមទទួលស្វាគមន៍ការប្រកួតអន្តរជាតិ ជាមួយស្តង់ដាររបស់ FIFA និង AFC សម្រាប់គ្រប់កន្លែងអង្គុយក្នុងកីឡដ្ឋានទាំងអស់។

ជាមួយនឹងការបំពាក់រួចរាល់នេះ សហព័ន្ធកីឡាបាល់ទាត់កម្ពុជា ក៏បានថ្លែងអំណរគុណ ចំពោះសហព័ន្ធកីឡាបាល់ទាត់អាស៊ាន(AFF) ដែលបានផ្តល់ជំនួយជាកញ្ចប់ថវិកា ដើម្បីឲ្យគម្រោងនៃការតម្លើងកៅអី មានបង្អែកថ្មីនេះសម្រេចបាន៕ រក្សាសិទ្ធដោយ ៖ សុទ្ធលី