មន្ត្រីការិយាល័យគយនិងរដ្ឋាករដូង ដុតកម្ទេចបំណែកសាច់មាន់ និងគ្រឿងក្នុងជ្រូកក្លាស្សេ ២៨៣គីឡូក្រាម ដែលវេចខ្ចប់គ្មានអនាម័យតាមស្តង់ដារ និងខូចគុណភាពមិនអាចប្រើប្រាស់បាន

ខេត្តបាត់ដំបង ៖ នៅព្រឹកថ្ងៃទី១៨ ខែមេសា ឆ្នាំ២០២៤ មន្ត្រីការិយាល័យគយនិងរដ្ឋាករដូង នៃសាខាគយនិងរដ្ឋាករខេត្តបាត់ដំបង បានសហការជាមួយមន្ត្រីនគរបាល និងមន្ត្រីកងរាជអាវុធហត្ថ ធ្វើការដុតកម្ទេចបំណែកសាច់មាន់ និងគ្រឿងក្នុងជ្រូកក្លាស្សេចំនួន ២៨៣គីឡូក្រាម ដែលវេចខ្ចប់គ្មានអនាម័យតាមស្តង់ដារ និងខូចគុណភាពមិនអាចប្រើប្រាស់បាន។ បំណែកសាច់មាន់ និងគ្រឿងក្នុងជ្រូកក្លាស្សេទាំងនេះ ត្រូវបានដកហូតពីម្ចាស់ទំនិញ ដែលព្យាយាមជញ្ជូនដោយថ្មើរជើងចូលមកកម្ពុជា តាមមាត់ច្រកទ្វារអន្តរជាតិដូង កាលពីយប់ថ្ងៃទី១៧ ខែមេសា ឆ្នាំ២០២៤៕ រក្សាសិទ្ធដោយ ៖ សុទ្ធលី