ខេត្តព្រះវិហារ៖ គ្រឿងញៀនជាង ១តោន ដែលបង្ក្រាបបាននាពេលកន្លងមក ត្រូវបានគណៈកម្មាធិការត្រួតពិនិត្យគ្រឿងញៀនខេត្ត សម្រេចដុតបំផ្លាញចោល នៅរសៀលថ្ងៃទី២៥ ខែមិថុនា ឆ្នាំ២០២៤ ដើម្បីចូលរួមអបអរសាទរ ទិវាអន្ដរជាតិប្រយុទ្ធប្រឆាំងគ្រឿងញៀន ២៦មិថុនា ឆ្នាំ២០២៤ ក្រោមប្រធានបទ «រួមគ្នាវិនិយោគលើការបង្ការ ទប់ស្កាត់ និងលើកកម្ពស់ការអប់រំ ដើម្បី សហគមន៍គ្មានគ្រឿងញៀន» ។
គ្រឿងញៀនដែលត្រូវដុតបំផ្លាញចោលនាពេលនេះ គឺ បានធ្វើការរឹបអូសជាវត្ថុតាងចំនួន ៣៩សំណុំរឿង សរុបគ្រឿងញៀនមានទម្ងន់ប្រមាណជាង ១តោន ស្មើនិងប្រមាណ ១,០២១,៩១៨.៦២ក្រាម ក្នុងនោះ ប្រភេទមេតំហ្វេតាមីន (ICE) សរុប ទម្ងន់ ១,០២១,៨៦៣.៥៩ក្រាម និងប្រភេទមេតំហ្វេតាមីន (WY) សរុបទម្ងន់ ៥៥,០៣ក្រាម៕ រក្សាសិទ្ធដោយ ៖ សុទ្ធលី