កំពង់ស្ពឺ ៖បញ្ជាការដ្ឋានកងរាជអាវុធហត្ថខេត្តកំពង់ស្ពឺបានឲ្យដឹងថា ដោយមានការចង្អុលបង្ហាញពី លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ និងមានការសម្របសម្រួលពីលោក ទិន សុចិត្រា ព្រះរាជអាជ្ញារងអមសាលាដំបូងខេត្តកំពង់ស្ពឺ នារសៀលថ្ងៃទី៤ ខែធ្នូ ឆ្នាំ២០២៤ វេលាម៉ោង១៦:១៧នាទីល្ងាច កម្លាំងអាវុធហត្ថខេត្ត បានសហការជាមួយកម្លាំងមូលដ្ឋានអាវុធហត្ថក្រុងច្បារមន ដែលដឹកនាំដោយលោកវរសេនីយ៍ត្រី ធី ឆៃ មេបញ្ជាការមូលដ្ឋានកងរាជអាវុធហត្ថក្រុងច្បារមន បានធ្វើការបង្រ្កាប និងឃាត់ខ្លួនជនសង្ស័យ១នាក់ ករណីគ្រឿងញៀន នៅចំណុចផ្ទះជួល ភូមិរំលោងប្រឃ្លាះ សង្កាត់សុព័រទេព ក្រុងច្បារមន ខេត្តកំពង់ស្ពឺ។
ជនសង្ស័យឈ្មោះ គី ភារម្យ ភេទប្រុស អាយុ២៧ឆ្នាំ មុខមិនពិតប្រាកដ មានទីលំនៅភូមិបុរីកម្មករ សង្កាត់រកាធំ ក្រុងច្បារមន ខេត្តកំពង់ស្ពឺ។
ដកហូតវត្ថុតាងរួមមាន៖ ម្សៅក្រាមសរថ្លាចំនួន៦កញ្ចប់ (៤កញ្ចប់ធំ-២កញ្ចប់តូច) និងទូរស័ព្ទចំនួន០១គ្រឿង។
បច្ចុប្បន្នជនសង្ស័យ រួមនិងវត្ថុតាងត្រូវបានកម្លាំងជំនាញការិយាល័យប្រឆាំងបទល្មើសគ្រឿងញៀន នៃកងរាជអាវុធហត្ថរាជខេត្តកំពង់ស្ពឺ កសាងសុំណុំរឿងបញ្ជូនទៅតុលាការ ដើម្បីធ្វើការផ្តន្ទាទោសតាមច្បាប់៕រក្សាសិទ្ធដោយ៖សុទ្ធលី
