ខេត្តកំពង់ចាម – ត្បូងឃ្មុំ ÷ ស្របពេលដែលអាកាសធាតុក្តៅធ្វើឲ្យស្លឹកឈើក្រៀមស្វិតស្រពោនហើយខ្យល់បក់ផាត់មកពីទិសខាងជើងទៀតផង, ជាក់ស្ដែងក្នុងថ្ងៃតែមួយទី២៥ធ្នូ ឆ្នាំ២០២៤ មានគ្រោះអគ្គីភ័យបានកើតឡើងចំនួនពីរកន្លែងក្នុងនោះមាននៅស្រុកចំការលើឆេះអស់ផ្ទះពលរដ្ឋចំនួន៣ខ្នងស្មើបីម្ចាស់និងមួយករណីទៀតនៅស្រុកពញាក្រែកខេត្តត្បូងឃ្មុំឆេះអស់ផ្ទះមួយខ្នង។តាមប្រភពចុងក្រោយនៅព្រឹកថ្ងៃទី២៦ធ្នូ ភ្លើងបានឆេះផ្ទះមួយខ្នងទៀត នៅក្នុងឃុំត្រពាំងផ្លុង ស្រុកពញាក្រែក សរុបខូចខាតអស់ចំនួន៥ផ្ទះស្មើ៥ម្ចាស់ ធ្វើឱ្យខាតបង់ទ្រព្យសម្បត្តិអស់ជាច្រើនទៀតផង។
សមត្ថកិច្ចនៅស្រុកចំការលើខេត្តកំពង់ចាម ឱ្យដឹងថា:នៅថ្ងៃទី២៥ ខែធ្នូ ឆ្នាំ២០២៤ វេលាម៉ោង១១និង១០នាទី ព្រឹកប៉ុស្តិ៍នគរបាលរដ្ឋបាលស្ពឺ បានទទួលព័ត៌មានពីប្រជាពលរដ្ឋ រាយការណ៍ថា: មានករណីអគ្គីភ័យ (ឆេះផ្ទះពលរដ្ឋ)ស្ថិតនៅភូមិស្ពឺលិច ឃុំស្ពឺ ស្រុកចំការលើ ។ ក្រោយពីទទួលព័ត៌មានភ្លាមលោកវរសេនីយ៍ឯកកែវ ស៊ាងហ៊ន់ អធិការនគរបាលស្រុក បានដឹកនាំកម្លាំងអធិការដ្ឋាន និងកម្លាំងប៉ុស្តិស្ពឺ ប្រជាការពារ ចុះដល់កន្លែងកើតហេតុជួយពន្លត់ ម្ចាស់ផ្ទះមានឈ្មោះដូចខាងក្រោម: ១-ឈ្មោះ អុច អៀន ភេទប្រុស អាយុ ៩៣ឆ្នាំ
នៅភូមិស្ពឺលិច ឃុំស្ពឺ ស្រុកចំការលើ ខេត្តកំពង់ចាម។ ផ្ទះទំហំ ៧មx៨ម សង់ពឺឈឺ ប្រក់ក្បឿង ជញ្ជាំងក្តា ។
២-ឈ្មោះ ហង់ សំណាង ភេទប្រុស អាយុ ៥៨ឆ្នាំ នៅភូមិស្ពឺលិច ឃុំស្ពឺ ស្រុកចំការលើ ខេត្តកំពង់ចាម ។ ផ្ទះទំហំ៥មx6ម សង់ពីឈឺប្រក់ក្បឿង ជញ្ជាំងក្តារ។
៣-ឈ្មោះ វ៉ាន់ នឿន ភេទប្រុស អាយុ ៥៨ឆ្នាំ នៅភូមិស្ពឺលិច ឃុំស្ពឺ ស្រុកចំការលើ ខេត្តកំពង់ចាម ។ផ្ទះទំហំ ៥មx៦ម សង់ពីឈឺប្រក់ក្បឿងជញ្ជាំងក្តា ។
ករណីអគ្គីសភ័យនេះមិនបណ្ដាឲ្យរបួសមនុស្សទេ :ខូចខាតមានដូចជា៖ កន្ទាល អង្ករ គ្រែ ខ្នើយភួយមុង ,និងសម្ភារះផ្ទះបាយមួយចំនួន ។
មូលហេតុ ឆ្លងចរន្តអគ្គិសនី ។
ក្នុងកិច្ចប្រតិបត្តិការនេះ ប្រើប្រាស់រថយន្តអគ្គីភ័យ អធិការដ្ឋានស្រុកចំការលើ០១គ្រឿង និង រថយន្តអគ្គីភ័យ អធិការដ្ឋានស្រុកស្ទឹងត្រង់ ០២គ្រឿង សរុបអស់ទឹកចំនួន ០៧ ឡាន អគ្គីភ័យត្រូវរលត់នៅវេលាម៉ោង ១២:៥០នាទីថ្ងៃដដែល ។
ដោយឡែកចំពោះករណីទី២សមត្ថកិច្ចមូលដ្ឋាននៅក្នុងស្រុកពញាក្រែក ខេត្តត្បូងឃ្មុំវិ ញឲ្យដឹងដែរថា ថ្ងៃទី២៥ ខែ ធ្នូ ឆ្នាំ២០២៤ វេលាម៉ោង១៣ៈ១០ នាទីមានករណីគ្រោះថ្នាក់អគ្គីភ័យ ភ្លើងឆេះផ្ទះ របស់ប្រជាពលរដ្ឋឈ្មោះ ម្ចាស់ផ្ទះឈ្មោះ ឆែ ផល្លា ភេទ ស្រី អាយុ ៥២ឆ្នាំ មេម៉ាយ ភូមិអង្គរក្នុង ឃុំដូនតី ស្រុកពញាក្រែក ខេត្តត្បូងឃ្មុំ ខូតខាចរួមមាន ៖ ១.ផ្ទះ១ខ្នងសង់អំពីឈើប្រក់ស័ង្កសី ទំហំ៧មx ៨មខូចខាតទាំងស្រុង ។ ២.ស្រូវចំនួន ២៨បេ។ ៣.ប្រាករៀលចំនួន ១០លានរៀល ប្រាក់ដុល្លារចំនួន ៣០០$។ ៤.ខ្សែករមាស មួយខ្សែ ទម្ងន់៥ជីនឹងខ្សែដៃមាស មួយខ្សែទម្ងន់ ៧ជី។ ៥.ឆេះម៉ាស៉ីនកិន ស្រូវ០១គ្រឿង។ ៦.សំភារៈក្នុងផ្ទះមួយចំនួនទៀត។
មូលហេតុដោយសាម្ចាស់ផ្ទះមិននៅទុក ចៅបង្កើតនៅចាំផ្ទះ ហើយចៅបានយកដែកកេះដុតចំបើងលេង ដែលទុកនៅក្រោមផ្ទះ បណ្តាលឲ្យឆេះតែម្តង។
សូមបញ្ជាក់ថា ចំពោះករណីទី៣វិញ បានកើតឡើងថ្ងៃទី២៦ ខែធ្នូ ឆ្នាំ២០២៤ វេលាម៉ោង៩.៣០ នាទីមានករណីគ្រោះថ្នាក់អគ្គីភ័យ ឆេះផ្ទះ របស់ប្រជាពលរដ្ឋ ម្ចាស់ផ្ទះឈ្មោះ ប៊ុយ អេង ភេទ ស្រី អាយុ ៦៤ឆ្នាំ នៅភូមិត្រពាំងផ្លុងទី១ ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ
ការខូតខាចរួមមាន៖ ១.ផ្ទះ២ខ្នងសង់អំពីឈើប្រក់ក្បឿង ទំហំ៨មx ៦មខូចខាតទាំងស្រុង ។ ២.ឆេះគ្រែចំនួន១គ្រឿង។ ៣.ឆេះតែសម្ភារៈនៅក្នុងផ្ទះមួយចំនួនទៀតហើយមាសប្រាក់នឹងលុយកាក់ពំុមានបាត់បង់នឹងខូចខាតអ្វីទេ។
មូលហេតុម្ចាស់ផ្ទះឈ្មោះប៊ុយ អេងនេះបានឲ្យឈ្មោះម៉ាក ខេ ត្រូវជាបងថ្លៃខ្លួនរស់នៅជាមួយកូនឈ្មោះថេង ថាន ភេទប្រុស អាយុ៣៧ឆ្នាំ ជាតិខ្មែរ តែឈ្មោះថេង ថាន នេះជាមនុស្សមានតសិមិនគ្រប់ ក៏បានដុតផ្ទះនេះបណ្តាលឲ្យឆេះតែម្តង។ ក្រោយកើតហេតុសមត្ថកិច្ទបាននាំឈ្មោះថេង ថាន មកអធិការដ្ឋាននគរបាលស្រុកពញាក្រែក ដើម្បីធ្វើការសាកសួររកហេតុផល៕ រក្សាសិទ្ធដោយ៖ភ្នំប្រុសភ្នំស្រី
