រដ្ឋការLos Angeles របស់អាមេរិកបានយល់ព្រមសងជំងឺចិត្ដដល់គ្រួសារមួយដែលសមាជិកខ្លួនត្រូវប៉ូលិសបាញ់ច្រឡំ ក្នុងការប្រដេញតាមឧក្រិដ្ឋជន។
លោកFrank Mendoza អាយុ៥៤ឆ្នាំ បានត្រូវប៉ូលិសបាញ់ស្លាប់នៅថ្ងៃទី១ខែសីហា ឆ្នាំ២១០៤ ព្រោះតែច្រឡំគាត់នឹងមុខសញ្ញា Cedric Ramirez។ Ramirez អាយុ២៤ឆ្នាំ គឺជាឧក្រិដ្ឋជនកំពុងត្រូវបានស្វែងរក ចាប់ខ្លួនពីបទសម្លាប់មនុស្ស។ឈ្មោះនេះបានលោតចូលផ្ទះលោក Mendoza នៅតំបន់Pico Riveraទីក្រុងLos Angeles ។សមាជិកមួយចំនួនរបស់គ្រួសារជនរងគ្រោះបាននាំគ្នារត់ចេញពីផ្ទះ ប៉ុន្ដែនៅពេលបុរសរងគ្រោះរត់ចេញ ស្រាប់តែត្រូវប៉ូលិសបាញ់ស្លាប់ដោយភាន់ច្រឡំថាជាឧក្រិដ្ឋជន។ លោកបានរងពីរគ្រាប់ចំក្បាលនិងជើង ។គ្រួសារជនរងគ្រោះបានដាក់ពាក្យប្ដឹងទៅកាន់តុលាការLos Angeles។
ថ្មីៗនេះតុលាការបានកាត់ក្ដីដោយបង្គាប់ដល់រដ្ឋការទីក្រុង Los Angeles ត្រូវសងជំងឺចិត្ដជាទឹកប្រាក់ចំនួន១៤លាន៣សែនដុល្លារដល់គ្រួសារជនរងគ្រោះ៕
លីសា
