កងទ័ពអាកាសកូរ៉េខាងត្បូង នៅថ្ងៃទី២៩ខែសីហាម្សិលមិញនេះ បានចាត់យន្ដហោះ១០គ្រឿង ក្នុងនោះមានប្រភេទយន្ដហោះF-15K ដើម្បីទប់ស្កាត់យន្ដហោះយោធាចិនដែលហោះចូលក្នុងតំបន់ដែនអាកាសរបស់ប្រទេសនេះដោយពុំមានផ្ដល់ព័ត៌មានជាមុន។
យន្ដហោះយោធាចិនបានហោះចូលក្នុងតំបន់កំណត់អត្ដសញ្ញាណដែនអាកាស KADIZ នៅវេលាម៉ោង៧:៣៧ នាទី ថ្ងៃទី២៩ខែសីហា រួចចលនាទៅកាន់តំបន់សមុទ្រប៉ែកខាងកើតនិងខាងត្បូងរបស់កូរ៉េខាងត្បូង ក្នុងអំឡុងពេលប្រមាណ៤ម៉ោង។
ក្រុមប្រឹក្សាសេនាធិការទ័ពចម្រុះកូរ៉េខាងត្បូង (JCS) បាននិយាយថា៖ យើងខ្ញុំបានដំណើរការបណ្ដាវិធានការ យុទ្ធវិធីធម្មតា ដូចជាផ្ញើសញ្ញាព្រមាននិងចាត់យន្ដហោះរបស់ទ័ពអាកាសតាមឃ្លាំមើលយន្ដហោះរបស់ចិន។
តាមYonhap នោះប្រភពព័ត៌មានមួយបង្ហើបឱ្យដឹងថា មានយន្ដហោះ១០គ្រឿងរបស់កូរ៉េខាងត្បូងត្រូវបានចាត់ឱ្យទៅ ប្រឈមនឹងយន្ដហោះយោធាចិន។នេះជាលើកទី២ហើយក្នុងអំឡុងពេលមួយខែកន្លងមកដែលយន្ដហោះយោធាចិនបាន ជ្រៀតចូលដែនអាកាសប្រទេសនេះក្នុងបំណងឈ្លបយកការណ៍យោធា។ក្រុងប៉េកាំងមិនទាន់ឃើញមានប្រតិកម្មចំពោះការ ចោទប្រកាន់ថ្មីនេះពីសំណាក់ JCS ។
មុននោះយន្ដហោះយោធាចិនបានបំពានចូលតំបន់KADIZ នៅខែមករា កុម្ភៈ មេសានិងកក្កដា។ កាលពីខែកុម្ភៈក្រុងសេអ៊ូលបានកោះហៅឯកអគ្គរដ្ឋទូតចិនដើម្បីប្រកាសប្រឆាំងនឹងទង្វើនេះ ប៉ុន្ដែក្រុងប៉េកាំងបានឆ្លើយតបថា យន្ដហោះយោធារបស់ខ្លួនពេលនោះកំពុងធ្វើការហ្វឹកហាត់សមស្របនឹងទម្លាប់ច្បាប់អន្ដរជាតិ៕
លីសា
