ខេត្តត្បូងឃ្មុំ: ក្រុមក្មេងពាលចំនួន៤ នាក់ត្រូវបានកម្លាំងសមត្ថកិច្ចធ្វើការឃាត់ខ្លួនដោយជាប់ពីបទប្រើហិង្សាដេញកាប់គេនឹងដុតបំផ្លាញឆេះម៉ូតូម៉ាកC 125 មួយគ្រឿងឡើងឡើងខ្ទេចសល់តែគ្រោងឆ្អឹងដែកប៉ុណ្ណោះ។ហេតុការណ៍នេះបានកើតឡើងនៅឃុំដំរិល ស្រុកអូរាំងឪ ហើយរហូតមកដល់ថ្ងៃទី១២កុម្ភៈ ឆ្នាំ២០២៥ ក្រុមពេលទាំងនេះត្រូវបានបញ្ជូនទៅកាន់ស្នងការដ្ឋាននគរបាលខេត្ត ដើម្បីចាត់ចែងបន្តទៅឲ្យអយ្យការអមសាលាដំបូងខេត្ត។
សមត្ថកិច្ចមូលដ្ឋានបានប្រាប់ឲ្យដឹងថា:ថ្ងៃទី១០ ខែកុម្ភៈ ឆ្នាំ២០២៥ វវេលាម៉ោងប្រហែល២៣និង១០នាទីយប់ មានករណីហិង្សានិងធ្វេីអោយខូចខាតដោយចេតនា នៅចំណុចវាលស្រែស្រំ ក្នុងភូមិយាកត្បូង ឃុំដំរិល ស្រុកអូរាំងឪ ខេត្តត្បូងឃ្មុំ មានជនសង្ស័យចំនួន០៤នាក់ ជិះម៉ូតូដេញកាប់លើជនរងគ្រោះដែលមានគ្នាពីរនាក់នៅតាមដងផ្លូវដោយកាត់មិនបាននោះទេ។ដោយឃើញសភាពគ្រោះថ្នាក់ជនរងគ្រោះពីរនាក់បានផ្ដួលម៉ូតូរួចរត់គេចចូលទៅក្នុងព្រៃ ក្រុមនោះខឹងកាប់មិនបានក៏នាំគ្នាដុតបំផ្លាញម៉ូតូឆេះឡើងខ្ទេច។
សមត្ថកិច្ចមូលដ្ឋានប្រាប់បន្តឲ្យដឹងទៀតថា ក្រោយពីមានហេតុការណ៍នេះកើតឡើងលោកអធិការនគរបាលស្រុកអូរាំងឪ រាយការណ៍ជូនលោកឧត្តមសេនីយ៍ស្នងការនគរបាលខេត្តក៏ដូចជាស្នងការរងទទួលផែនព្រហ្មទណ្ឌហើយឲ្យបើកប្រតិបត្តិការធ្វើការស្រាវជ្រាវជាបន្ទាន់ដោយទទួលពន្លឺពីភាគីជនរងគ្រោះមានគ្នាចំនួនពីរនាក់នោះធ្វើឲ្យកម្លាំងសមត្ថកិច្ចកំណត់អត្តសញ្ញាណនិងឈានទៅដល់គាត់បានជនសង្ស័យចំនួន៤នាក់ក្នុងនោះរួមមាន÷
១.ឈ្មោះ អឺង ភារម្យ ភេទប្រុស ជនជាតិខ្មែរ អាយុ២១ឆ្នាំ នៅភូមិអណ្តូងក្តី ឃុំជីគរ ស្រុកត្បូងឃ្មុំ
២.ឈ្មោះ ម៉ុន ភក្តី ភេទប្រុស ជនជាតិខ្មែរ អាយុ២២ឆ្នាំនៅភូមិយាកត្បូង ឃុំដំរិល ស្រុកអូររាំងឪ
៣.ឈ្មោះ ឆន ប៊ុនយ៉ុង ភេទប្រុស ជនជាតិខ្មែរ អាយុ២៥ឆ្នាំ នៅភូមិសំរោង ឃុំដំរិល ស្រុកអូររាំងឪ
៤.ឈ្មោះ ម៉ាច ម៉េង ភេទប្រុស ជនជាតិខ្មែរ អាយុ២៣ឆ្នាំ នៅភូមិអណ្តូងក្តី ឃុំជីគរ ស្រុកត្បូងឃ្មុំ ជិះម៉ូតូចំនួន០២គ្រឿង បានយកកាំបិតផ្គាក់ដេញកាប់ ឈ្មោះ អែម ពិសិដ្ឋ ភេទប្រុស ជនជាតិខ្មែរ អាយុ១៨ឆ្នាំ នៅភូមិសំស្មែ ដំរិល ស្រុកអូររាំងឪ ជិះម៉ូតូម៉ាកC125 សេរី2011 ឡេីងតែម2021 ពណ៌ស ឌុបឈ្មោះ ធន ម៉េងឡុង ភេទប្រុស ជនជាតិខ្មែរ នៅភូមិ ប៉ុន្តែមិនបណ្តាលអោយរងរបួសទេ បន្ទាប់មកជនរងគ្រោះទាំងពីរនាក់បានផ្តួលម៉ូតូរត់បាត់ បន្សល់ទុកម៉ូតូចោល ហេីយជនសង្ស័យទាំងបួននាក់ខាងលេីក៏បានធ្វេីសកម្មភាពយកកាំបិតផ្គាក់កាប់ទៅលេីម៉ូតូ ហេីយនឹងដុតបំផ្លាញម៉ូតូនោះ បណ្លាលអោយខូចខាតទាំងស្រុង។
លុះដល់ថ្ងៃទី១១ ខែកុម្ភៈ ឆ្នាំ២០២៥ វេលម៉ោង ០៣:៣០នាទីទៀបភ្លឺ ដោយមានការឯភាពពីលោក ឧត្តមសេនីយ៍ទោ ចិន នីស្នងការនគរបាលខេត្តត្បូងឃ្មុំ ដោយមានការសម្របសម្រួល ពី លោក មាស វឌ្ឍនា ព្រះរាជអាជ្ញារងអយសាលាដំបូងខេត្តត្បូងឃ្មុំ កម្លាំងជំនាញព្រហ្មទណ្ឌស្រុក សហការជាមួយ កម្លាំងប៉ុស្តិ៍នគរបាលរដ្ឋបាលដំរិល បានធ្វេីការនាំខ្លួនជនសង្ស័យចំនួន០៤នាក់ មកសាកសួរនៅអធិការដ្ឋាននគរបាលស្រុកអូររាំងឪ។
សមត្ថកិច្ចបញ្ជាក់ថាជនរងគ្រោះអ្នកឌុបគឺជាសិស្សសាលាមិនដែលមានទំនាស់ណាមួយជាមួយនឹងក្រុមក្មេងពាលខាងលើនេះទេ។ តែនៅយប់ថ្ងៃកើតហេតុមានម៉ូតូផ្សេងទៀត ស្រដៀងនិងម៉ូតូរបស់ជនរងគ្រោះ បានបើកដេញវាយលើម៉ូតូរបស់ពួកគេ ស្របពេលឃើញម៉ូតូជនរងគ្រោះជិះតាមដងផ្លូវនឹកស្មានថាជាម៉ូតូដែលដេញវាយក្រុមបក្សពួករបស់គេទើបព្រួតគ្នាដេញកាប់ហ្នឹងដុតបំផ្លាញម៉ូតូចោលដើម្បីរំសាយកំហឹង។ក្នុងចំណោម៤នាក់នេះគឺមានម្នាក់ជាមុខសញ្ញាប្រើប្រាស់គ្រឿងញៀនទៀតផង៕ រក្សាសិទ្ធដោយ៖ ភ្នំប្រុសភ្នំស្រី
