ទីផ្សារហ៊ុននៅប្រទេសចិនប្រធានាធិបតីអាមេរិក Donald Trump បានត្រៀមខ្លួនបង្កើនសម្ពាធពាណិជ្ជកម្មចំពោះចិន ខណៈពេលលោកបានថ្លែងទៅកាន់ក្រុមជំនួយការថា អាចកំណត់អត្រាពន្ធខ្ពស់ចំពោះកញ្ចប់ទំនិញតម្លៃ២០០ពាន់លានដុល្លារជាបន្ដទៀតចំពោះទំនិញដែលនាំចូលពីប្រទេសចិន ក្រោយពេលលេចឮពាក្យចចាមអារ៉ាមថាគោលនយោបាយពន្ធថ្មីរបស់អាមេរិកចំពោះចិននឹង បញ្ចប់នៅសប្ដាហ៍ក្រោយ -នេះបើតាមព័ត៌មាន Bloomberg កាលពីយប់មិញ។
ការបង្កើនសម្ពាធជាបន្ដបន្ទាប់ ក្រុងវ៉ាស៊ីនតោនក៏បានសំណូមពរឱ្យក្រុងប៉េកាំងកែសម្រួលបញ្ហាទីផ្សារចិន ការពារសិទ្ធិកម្មសិទ្ធិបញ្ញាដល់បណ្ដាក្រុមហ៊ុនអាមេរិក កាត់បន្ថយការគាំទ្ររបស់រដ្ឋចិនលើវិស័យឧស្សាហកម្មនិងកាត់បន្ថយអតិរេកពាណិជ្ជកម្មមានទឹកប្រាក់៣៧៥ពាន់លានដុល្លាររវាងប្រទេសទាំងពីរ។
ខឿនសេដ្ឋកិច្ចធំបំផុតពិភពលោកពីរនេះបានដំឡើងអត្រាពន្ធខ្ពស់ដល់ទំនិញ៥០ពាន់លានដុល្លារដូចគ្នា ដែលត្រូវបាន បញ្ចប់កាលពីសប្ដហ៍មុន និងពុំទទួលបានលទ្ធផលគួរឱ្យកត់សម្គាល់អ្វីឡើយ៕
លីសា
