ក្នុងបញ្ជីទីតាំងត្រូវវាយលុកនុយក្លេអ៊ែររបស់កូរ៉េខាងជើង រួមមានទាំងសេតវិមាន មន្ទីរបញ្ចកោណ និងបណ្តាទីក្រុងធំៗផងដែរ។របាយការណ៍ត្រូវបានប្រកាសជាសាធារណៈ នៅថ្ងៃទី ២២/១១ របស់គណៈកម្មាធិការការបរទេសទ្វីបអឺរ៉ុប (ECFR) បានបង្ហើបប្រាប់ពីទីតាំង ១៥ ដែលជាគោលដៅវាយប្រហារ ដោយនុយក្លេអ៊ែរពីសំណាក់កូរ៉េខាងជើង រួមមានទាំងទីក្រុងធំៗ ជាអាទិ៍៖ Manhattan, Guam នៅអាមេរិក ព្រមទាំង Kyoto, Tokyo នៅជប៉ុន។ រាយការណ៍របស់ ECFR សរសេរថា “ផ្តើមពីប្រភពព័ត៌មាននៅកូរ៉េខាងជើងបញ្ជីរាយឈ្មោះគោលដៅវាយប្រហារនុយក្លេអ៊ែររបស់ប្រទេសនេះ ត្រូវបានទម្លាយចេញ”។ “ក្រុងព្យុងយ៉ាង បានគំរាមកំហែងច្រើនលើក ច្រើនសាមកហើយចំពោះបណ្តាគោលដៅរបស់អាមេរិក នៅទ្វីបអាស៊ី-ប៉ាស៊ីហ្វិក និងបណ្តាទីក្រុងនៅដែនអាកាស”។
ក្រៅពីនោះរបាយការណ៍នៅបានទម្លាយចេញបណ្តាទីក្រុងរបស់ជប៉ុន និងកូរ៉េខាងត្បូង ក៏ជាគោលដៅនៃការវាយប្រហារនុយក្លេអ៊ែរផងដែរ។
កូរ៉េខាងជើងក៏ធ្លាប់ទម្លាយចេញផែនទីគោលដៅវាយប្រហាររបស់ខ្លួន នៅខែ ៣/២០១៣ តាមរយៈរូបភាពមួយ។ ក្នុងរូបភាពនោះគេឃើញមេដឹកនាំ Kim Jong-Un និងផែនទីកំណត់គោលដៅវាយប្រហារជាច្រើនរួមមានទីក្រុងមួយចំនួន និងមូលដ្ឋានយោធានៅអាមេរិក។
គោលដៅនៃការធ្វើរបាយការណ៍របស់ ECFR គឺការ “ព្យាករណ៍ប្រតិកម្មរបស់ក្រុងព្យុងយ៉ាង លើគ្រោងការណ៍ផ្សេងៗពីគ្នា” បំណងជួយឲ្យយល់ច្បាស់ជាងមុនពីការដែលកូរ៉េខាងជើង នឹងប្រើប្រាស់អាវុធនុយក្លេអ៊ែររបស់ខ្លួនបែបណានោះ។
របាយការណ៍នេះ ចាត់ទុកថា ការគំរាមកំហែងនុយក្លេអ៊ែររបស់កូរ៉េខាងជើង គឺជាការវាយលុកសង្គ្រប់១ ហើយក៏មានន័យថា មេដឹកនាំ Kim Jong-Un អាចចាប់ផ្តើមសង្គ្រាមនុយក្លេអ៊ែរ តែក្នុងខណៈពេលដែលក្រុងព្យុងយ៉ាងប្រឈមមុខនឹងគ្រោះថ្នាក់ប៉ុណ្ណោះ។
ម្យ៉ាងទៀតរបាយការណ៍នេះ ត្រូវបានកូរ៉េខាងជើងដាក់ចេញសំដៅប្រឆាំងនឹងការដែលប្រធានាធិបតីអាមេរិក Donald Trump បានចាត់បញ្ចូលកូរ៉េខាងជើងសារជាថ្មីឲ្យនៅក្នុងបញ្ជីគ្រាំទ្រភេរវកម្ម។ កូរ៉េខាងជើង បានហៅទង្វើនេះថា ជាសកម្មភាពញុះញង់ និងរំលោភបំពានដ៏ធ្ងន់ធ្ងរ៕ ចន្ទ្រា