Sunday, January 29, 2023

អាមេរិក​-​កូរ៉េខាងត្បូង ត្រៀម​ធ្វើ​សមយុទ្ធ នៅ​តំបន់​កៀក​កូរ៉េខាងជើង ដោយមាន​យន្តហោះ​ចូលរួម ២៣០​គ្រឿង​

spot_img

​អាមេរិក និង​កូរ៉េខាងត្បូង​ត្រៀម​ធ្វើ​សមយុទ្ធ​ទ័ពអាកាស​ទ្រង់ទ្រាយ​ធំ លើ​ឧបទ្វីប​កូរ៉េ នា​ដើម​ខែ​ធ្នូ ខាងមុខនេះ​។​

យន្តហោះ​ប្រយុទ្ធ B-1B របស់​អាមេរិក​រួមជាមួយ​យន្តហោះ​ប្រយុទ្ធ​២​គ្រឿង​របស់​កូរ៉េ​ខាងត្បូង ក្នុង​សមយុទ្ធ​មួយ​។​

​តាម Yonhap កងទ័ព​អាមេរិក និង​កូរ៉េខាងត្បូង នឹង​ចាប់ផ្តើម​ធ្វើ​សមយុទ្ធ​ទ័ពអាកាស​ពី​ថ្ងៃ​ទី 4-8/12 ដោយ​មាន​ការចូលរួម​ពី​យន្តហោះ ២៣០ គ្រឿង និង​ពលទាហាន 12.000 នាក់ ជា​ទង្វើ​មួយ​សំដៅ​បង្ហាញ​កម្លាំង​ដល់​កូរ៉េខាងជើង​។​

​សេចក្តីប្រកាស​របស់​សម្ព័ន្ធ​កងទ័ព​អាមេរិ​ក​-​កូរ៉េខាងត្បូង ឲ្យដឹងថា សមយុទ្ធ​មានឈ្មោះ​ថា Vigilant Ace ត្រូវបាន​រៀបចំ​បំណង​បង្កើន​សមត្ថភាព​សហកា​រ​ប្រយុទ្ធ ក៏ដូចជា​លើកកម្ពស់ សមត្ថភាព​ប្រយុទ្ធរ​បស់ទ័ព​អាកាសប្រទេស​ទាំង​២​បញ្ជូន​យន្តហោះ​ប្រយុទ្ធ បំបាំង​កាយ F-22 Raptor យន្តហោះ​ប្រយុទ្ធ​ពហុ​សមត្ថភាព F-35A ពី 3-4 គ្រឿង មក​ចូលរួម​ដើម្បី​បង្ក​សម្ពាធ​អតិប្បរមា​លើ​កូរ៉េខាងជើង​។​

​កាលពី​ខែ​មុននេះ ក្រុង​វ៉ាស៊ីនតោន និង​សេ​អ៊ូ​ល បាន​ឯកភាព​បង្កើន​ការ​ដាក់​ពង្រាយ​ប្តូរ​វេន ចំពោះ​បណ្តា​ប្រភេទ​អាវុធ​យុទ្ធសាស្ត្រ​របស់​អាមេរិក​មកកាន់​កូរ៉េខាងត្បូង​ដើម្បី​ទប់ទល់​នឹង​គ្រោះ​គំរាមកំហែង​នុយក្លេអ៊ែ​រ និង​កាំជ្រួច​របស់​កូរ៉េខាងជើង​។​

​គួររំលឹកថា ដើមខែ​នេះ ក្រុម​នាវា​ផ្ទុក​យន្តហោះ​៣ របស់​អាមេរិក​បាន​បើក​តាម​យុទ្ធ​យោធា​ជើង​ទឹក​រួម​ជាមួយ​កូរ៉េ​ខាងត្បូង នៅ​សមុទ្រ​ជប៉ុន ហើយ​ត្រូវបាន​ចាត់ទុក​ជា​សកម្ម​ភាព​បង្ហាញ​កម្លាំង​ពុំ​ធ្លាប់​មាន​ចំពោះ​កូរ៉េខាងជើង​៕ សូ​យ​ន​