នេះជាគ្រោះថ្នាក់ចរាចរណ៍ដ៏រន្ធត់មួយ ដែលបុរសម្នាក់បានជិះម៉ូតូភាំងមួយរំពេច ទៅបុកជាមួយគូទរថយន្តទ្រុង១គ្រឿងស្ថិតនៅខាងមុខ បណ្តាលឲ្យទាំងមនុស្ស និងម៉ូតូ ត្រូវអូសតាមគ្នាជាច្រើនម៉ែត្រ នៅលើផ្លូវហាយវ៉េ Fanling វេលាម៉ោង ៨ និង ៥២ នាទី ព្រឹកថ្ងៃអាទិត្យ ។
យោងតាម Apple Daily ជនរងគ្រោះឈ្មោះ Chan អាយុ ៤៨ ឆ្នាំ ត្រូវបានធ្វើតេស្តរកឃើញមានសារជាតិអាល់កុលនៅក្នុងខ្លួន ដែលគាត់បានប្រើហួសកម្រិតច្បាប់កំណត់ ហើយវាត្រូវបានចាត់ទុកថាបានបង្កឲ្យ Chan ត្រូវជួបគ្រោះថ្នាក់ដ៏រន្ធត់នេះ ។
Chan ដែលជាអ្នកពន្លត់អគ្គីភ័យជាន់ខ្ពស់ម្នាក់ នៅស្ថានីយពន្លត់អគ្គីភ័យ Castle Peak Bay នៅក្នុងទីក្រុង Tuen Mun ត្រូវបានបញ្ជូនទៅសង្គ្រោះនៅមន្ទីរពេទ្យ North Districk បន្ទាប់ពីរងរបួសត្រង់ដៃ, ជើង និង.ករបស់គាត់ ។
គាត់ក្រោយមក ត្រូវបានចាប់ខ្លួន និងឃុំខ្លួនដោយប៉ូលីស ។
នាយកដ្ឋានពន្លត់អគ្គីភ័យបានបញ្ជាក់ថា អ្នកពន្លត់អគ្គីភ័យក្រៅភារៈកិច្ចរូបនេះ បានជិះម៉ូតូបុកនឹងគូទឡានដឹកទំនិញមួយគ្រឿងនៅផ្លូវហាយវ៉េ Fanling ក្បែ Pak Shek Au ហើយថា គាត់ទទួលការព្យាបាលនៅមន្ទីរពេទ្យ និងកំពុងសហការជាមួយផ្នែកស៊ើបអង្កេត ៕ ឧត្តម (coconuts)