ព័ត៌មានលម្អិតបន្ថែមទៀត បានលេចឡើង នៅក្នុងករណីការសម្លាប់យ៉ាងសាហាវព្រៃផ្សៃ មកលើស្ត្រីអ្នកទទួលភ្ញៀវភោជនីយដ្ឋានដ៏ស្រស់ស្អាតម្នាក់ ដែលត្រូវបានឃាតករបាញ់ប្រហារនៅក្នុងរថយន្តរបស់នាង នៅក្នុងខេត្ត Nakorn Pathom ។
យោងតាមប្រភពព័ត៌មានបានឲ្យដឹងថា ស្ត្រីរងគ្រោះឈ្មោះ Naapathorn Kanokasemsophon អាយុ ២៤ ឆ្នាំ មានមិត្តប្រុសម្នាក់មកពីប្រទេសហូឡង់ ដែលតែងទេផ្ញើលុយមកឲ្យនាង និងមកលេងនាងរៀងរាល់ ៣ ខែ ម្តង ។
តុលាការនៅក្នុងខេត្តនេះ កាលពីម្សិលមិញ បានចេញដីកាចាប់ខ្លួនបុរសម្នាក់ឈ្មោះ Wallop “Lop” Huayhongthong ពីបទចោទប្រកាន់មនុស្សឃាត និងកាន់កាប់កាំភ្លើងខុសច្បាប់ ។
បុរសរូបនេះជាមិត្តប្រុសម្នាក់របស់នាង Noppathorn “Nurse” Kanokkasemsophon អស់រយៈពេល ៩ ខែ មកហើយ ។
ប៉ុន្តែ គាត់បានរកឃើញថា នាងកំពុងបន្តលូចលាក់មានស្នេហ៍ជាមួយបុរសម្នាក់ផ្សេងទៀត នៅពីខាងក្រោយខ្នងរបស់គាត់ ហើយនាងបានទៅកាន់ផ្ទះមួយកន្លែង ដែលគាត់ចាប់ភស្តុតាងយ៉ាងជាក់ស្តែងថា ពួកគេទាំងពីរកំពុងនៅជាមួយគ្នាទៀតផង ។
ហេតុនេះ អំពើឃាតកម្មក៏បានកើតឡើងបន្ទាប់ ។
យោងតាមប៉ូលីស Muang Nakorn Pathom ដែលបានផ្តល់ព័ត៌មានលម្អិតបន្ថែមដល់ Daily News, ស្ត្រីរងគ្រោះមានកូនតូចៗ២នាក់ ប៉ុន្តែ គ្រួសាររបស់នាងដែលរស់នៅ Ratchaburi បានបែកបាក់គ្នាហើយៗ នាងក៏បានមកធ្វើការនៅក្នុងទីក្រុង Pattaya ។
នៅទីនោះ នាងបានជួបជាមួយបុរសម្នាក់ មកពីប្រទេសហូឡង់ ដែលបានផ្ញើលុយកាក់ឲ្យនាងជារៀងរាល់ខែ ។ គាត់ក៏បានមកលេង Nurse រៀងរាល់៣ខែ ផងដែរ ។ ហើយបុរសដែលនាងកំពុងជួបសព្វថ្ងៃ នៅក្នុងខេត្ត Nakorn Pathom គឺជាបុរសផ្សេង ៕ ចន្ទី (Daily News)
