មនុស្សយ៉ាងតិចណាស់៣នាក់បានស្លាប់ និង២នាក់រងរបួស ក្នុងករណីផ្ទុះអាវុធមួយនៅថ្ងៃទី៦ ខែកញ្ញា នៅធនាគារFifth Third ទីក្រុង Cincinnati រដ្ឋ Ohio អាមេរិក។
អ្នកនាំពាក្យស្នងការប៉ូលិសនៃទីក្រុង Cincinnati អ្នកស្រីTiffaney Hardyឱ្យដឹងថា ប៉ូលិសទទួលបានរបាយការណ៍ពីករណីផ្ទុះអាវុធនៅធនាគារនេះវេលាម៉ោង៩:៧នាទី(ម៉ោងតំបន់)។
ក្នុងចំណោមអ្នកស្លាប់៣នាក់ រួមទាំងជនដៃដល់ នៅមានជនរងគ្រោះ២នាក់ទៀតកំពុងស្ថិតក្នុងស្ថានភាពធ្ងន់ធ្ងរ។
អភិបាលក្រុងCincinnati លោក John Cranley ឱ្យដឹងថា ប៉ូលិសបានផ្ទុះអាវុធបាញ់សម្លាប់ជនដៃដល់។តាមស្ថានីយ WKRC-TV ឱ្យដឹងថា ខ្មាន់កាំភ្លើងគឺជាបុគ្គលិកម្នាក់នៅធនាគារនេះ ហើយធុញថប់នឹងការងារ។ប៉ូលិសបានហ៊ុមព័ទ្ធធនាគារនេះ ហើយកំពុងដំណើរការស៊ើបអង្កេតករណីនេះ៕
សូយន