បណ្ដាមន្រ្ដីការពារជាតិអាមេរិក បានសម្ដែងនូវការខ្វាយខ្វល់ចំពោះបញ្ហាដែលចិននិងរុស៊្សីបានអភិវឌ្ឍន៍កំពូលកាំជ្រួចលឿនជាងសំឡេងច្រើនដង។
តាម Sputnik ថ្មីៗនេះមេដឹកនាំស្ថាប័នការពារកាំជ្រួចអាមេរិកSamuel Greaves ទទួលស្គាល់ថា ចិនបានឈានមួយជំហានមុនអាមេរិក ខណៈពេលដែលពួកគេបានទទួលជោគជ័យក្នុងការសាកល្បងអាវុធកំពូលល្បឿនលឿនជាងសំឡេង ហើយអាមេរិកមិនអាចមើលរំលងបញ្ហានេះបានឡើយ។
អនុរដ្ឋមន្រ្ដីក្រសួងការពារជាតិអាមេរិកMichael Griffin ក៏បានឯកភាពនូវការសន្និដ្ឋានខាងលើ ដែលថាចិនបានទទួលជោគជ័យក្នុងការសាកល្បងអាវុធមានល្បឿនលឿនជាងសំឡេងច្រើនលើក។ លោកថែមទាំងកត់សម្គាល់បន្ថែមថា រុស៊្សីក៏កំពុងអភិវឌ្ឍន៍និងទទួលជោគជ័យការសាកល្បងប្រភេទអាវុធមានល្បឿនលឿនជាងសំឡេងច្រើនដង។
អនុរដ្ឋមន្រី្ដការពារជាតិរូបនេះសង្កត់ធ្ងន់បន្ថែមថា កំពូលកាំជ្រួចល្បឿនលឿនជាងសំឡេងកំពុងត្រូវបានចិននិងរុស៊្សីអភិវឌ្ឍន៍រួមគ្នា។យើងខ្ញុំពិតជាមានកង្វល់ចំពោះប្រទេសទាំងពីរនេះ ដោយហេតុថាពួកគេបានទទួលជោគជ័យក្នុងការសាកល្បងច្រើនដងមកហើយក្នុងពេលដែលយើងខ្ញុំពុំទាន់ធ្វើបាន៕
លីសា
