ភ្នំពេញ : អធិការដ្ឋាននគរបាលខណ្ឌកំបូល បានឲ្យដឹងថា នារសៀលថ្ងៃទី២៦ ខែមិថុនា ឆ្នាំ២០២៥ នៅវេលាម៉ោង ១៥និង០០នាទី
មានករណីអគ្គិភ័យមួយកន្លែងកើតឡើងនៅចំណុច ភូមិកន្ទោកខាងជើង សង្កាត់កន្ទោក ខណ្ឌកំបូល រាជធានីភ្នំពេញ។
ហេតុការណ៍អគ្គិភ័យឆាបឆេះនេះ បណ្តាលមកពីផ្ទុះទូកុងតឺន័របង្កជាអគ្គិភ័យ។ អគ្គិភ័យនេះធ្វើឱ្យឆេះខូចខាតទូកុងតឺន័រ ចំនួន០១ទូ រួមទាំងរថយន្តToyota Prius ចំនួន ០៥គ្រឿង ហើយពុំបណ្តាលឲ្យឆេះរាលដាលដល់ផ្ទះអ្នកក្បែរខាងឡេីយ។
អគ្គិភ័យនេះបានកើតឡើងនៅផែនស្ងួតរបស់លោកឧកញ៉ាឡុង សេងហួរ បណ្តាលឲ្យផ្ទុះទូកុងតឺន័របង្កជាអគ្គិភ័យ ។
នៅវេលាម៉ោង១៦:១០នាទីល្ងាច ខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន ០២គ្រឿង ប្រេីប្រាស់ទឹកអស់ចំនួន ០១ឡានស្មើនឹង ០៤ម៉ែត្រគូប និងរថយន្តជំនួយ: -រថយន្តអគ្គិភ័យកងពលតូចង៧០ចំនួន ០៤គ្រឿង ប្រើប្រាស់អស់ចំនួន ០១ឡាន ស្មើនឹង ០៦ម៉ែត្រគូប។-រថយន្តអគ្គិភ័យទ័ពពិសេស៩១១ចំនួន ០៣គ្រឿង ប្រើប្រាស់អស់ចំនួន ០១ឡាន ស្មើនឹង ០៦ម៉ែត្រគូប។ -រថយន្តអគ្គិភ័យសាលាខណ្ឌកំបូលចំនួន ០១គ្រឿង ប្រើប្រាស់អស់ចំនួន ០១ឡាន ស្មើនឹង ០៤ម៉ែត្រគូប។-រថយន្តអគ្គិភ័យបុរីសង្ឃឹមថ្មីចំនួន ០១គ្រឿង ប្រើប្រាស់អស់ចំនួន ០១ឡាន ស្មើនឹង ០៤ម៉ែត្រគូប។៕ រក្សាសិទ្ធដោយ : សុទ្ធលី
