ការចោលសំរាមនៅជប៉ុន ពុំមែនគ្រាន់តែជាការវេចខ្ចប់របស់របរលេង ត្រូវការចូលក្នុងថង់១ ដូចដែលយើងធ្លាប់ធ្វើនោះទេ ។ នៅប្រទេសនេះសំរាមត្រូវបានរៀបចំយ៉ាងមានរបៀប មានវិន័យ ហើយភ្ញាក់រលឹកបំផុត ។
១.ត្រូវបែងចែកប្រភេទសំរាម រួចទុកដាក់ក្នុងថង់តាមការកំណត់ ៖ ជាទូទៅត្រូវបែងចែកជា៤ប្រភេទ គឺ ៖ សំរាមប្លាស្ទិក សំរាមកែច្នៃ សំរាមដុតបាន និងសំរាមមិនអាចដុតបាន ។
ក្នុងថង់សំរាមមានការណែនាំល្អិតល្អន់ ។
ឧទាហរណ៍ ៖ ដបទឹក ជាប្លាស្ទិក តែគម្របដបជាសំរាមកែច្នៃ…ត្រូវដឹង។
២.សំរាមក៏ត្រូវបានសរសេរ ស្លាកឈ្មោះត្រឹមត្រូវដែរ ៖ ក្រោយពេលបែងចែក សំរាមត្រូវដាក់ក្នុងថង់ដែលរដ្ឋាភិបាលបែងចែកឲ្យវាមានពណ៌សម្គាល់ សម្រាប់ប្រភេទនីមួយៗ ។ សំរាមនេះត្រូវបានក្រុមហ៊ុនអនាម័យមកនាំយកទៅពុំមែនក្នុងថ្ងៃតែ១នោះទេ ។
កញ្ចប់សំរាម ពេលនាំយកមកកន្លែងកំណត់ត្រូវសរសេរឈ្មោះ និងលេខផ្ទះរបស់ម្ចាស់សំរាម វាបង្ការទុកសម្រាប់គេឃើញអ្នកគ្មានវិន័យត្រូវទទួលខុសត្រូវ ។ ការបន្លែបន្លំនឹងត្រូវប្រឈមជាមួយប៉ួលិស ។
៣.សំរាមច្រងេងច្រងាង មិនស្ថិតក្នុងលំដាប់ថ្នាក់នោះម្ចាស់របស់វាត្រូវបង់ថ្លៃនាំយកទៅចោល ។ និយាយរួមសម្រាប់បែបនេះ កាន់តែ “ធំ” ត្រូវចំណាយកាន់តែច្រើន ហើយអ្នកត្រូវប្រកាសប្រាប់តាមអនឡាញ ឬប្រាប់ដោយផ្ទាល់នៅទីចាត់ការ ។
បើហានចោលកៅអី១ ត្រូវពិន័យ ៤០០យេន ពូកមួយគឺ ១២០០យេន សាឡុងវែង១គឺ ២០០០យេន ។ល។ ញាក់សាច់! ។
៤.នាំយកសំរាមទៅដាក់ក៏មានពេលវេលា ៖ ភាគច្រើនគឺចន្លោះម៉ោង ៨ព្រឹក-១០ព្រឹក ។ ប្រសិនហួសពេលសូមយួរសំរាមទៅទុកនៅផ្ទះសិន ចាំស្អែក ។
៥.ត្រូវសំអាតសំរាមមុនពេលយកទៅចោល!
ឮបែបនេះកុំច្រឡំ ព្រោះវាជាការពិត ! ។ កំប៉ុង ដប ប្រអប់…ត្រូវលាងសម្អាតមុនពេលដាក់ក្នុងថង់យកទៅចោល ។ មានន័យថានៅស្រុកនេះ សូម្បីសំរាមក៏…ស្អាតដែរ ។
៦.នៅកន្លែងខ្លះ គេតម្រូវឲ្យយកសំណាញ់ទៅស្រោបពីខាងក្រៅសំរាមទៀត ព្រោះពពួកក្អែក វាទៅហែករយះរយាយ ។
កិច្ចការនេះមើលទៅស្មុគស្មាញ រវល់ច្រើនតែពលរដ្ឋជប៉ុនគេធ្វើដោយស្ងៀមស្ងាត់ ក្លាយជាទម្លាប់ ។ ប៉ុន្តែបែបនេះឯង ទើបការប្រមូលហើយកែច្នៃសំរាមប្រព្រឹត្តទៅបានលឿន ។
ចុងក្រោយគឺកន្លែងរស់នៅទីក្រុង ប្រទេសគេ…ស្អាត! ៕ លីសា