ទីប្រឹក្សាសន្ដិសុខជាតិអាមេរិកJohn Bolton ឱ្យដឹងថា លោកKim ធ្លាប់បានស្នើសុំធ្វើការរំសាយនុយក្លេអ៊ែរក្នុងអំឡុងពេល២ឆ្នាំ ប៉ុន្ដែប្រធានាធិបតីកូរ៉េខាងត្បូងបានបញ្ចុះបញ្ជូលលោកបន្ថយចុះនៅសល់មួយឆ្នាំ។
Yonhap បានដកស្រង់សម្ដីរបស់ទីប្រឹក្សាសន្ដិសុខជាតិអាមេរិកJohn Bolton បង្ហើបប្រាប់ក្នុងជំនួបនៅWashington កាលពីថ្ងៃទី១០ខែកញ្ញាថា៖ «លោកKim បាននិយាយប្រាប់យើងថា អាចអនុវត្តន៍ការរំសាយនុយក្លេអ៊ែរក្នុងរយៈពេល២ឆ្នាំ»។
លោកBolton ឱ្យដឹងបន្ថែមទៀតថា លោកKim បានផ្ដើមសំណើនេះក្នុងសន្និសីទកំពូលអន្តរកូរ៉េលើកដំបូងជាមួយប្រធានាធិបតីកូរ៉េខាងត្បូងMoon Jae-in កាលពីខែមេសា។ ប៉ុន្ដែលោកMoonបានស្នើសុំតបវិញថា គួរតែកាត់បន្ថយពេលវេលាឱ្យនៅសល់ត្រឹមមួយឆ្នាំ ហើយលោកKim បានយល់ព្រម ។
តាមលោកBolton លោកKim ធ្លាប់បានប្រកាសអំពីពេលវេលាមួយឆ្នាំនេះដែរ។ លោកBolton ពោល៖«ខ្ញុំគិតថាពួកគេអាចដំណើរការបានលឿនជាងនេះ» ប៉ុន្ដែពេលវេលាមួយឆ្នាំក៏មិនអាក្រក់អ្វីដែរ។ យើងនៅតែកំពុងរង់ចាំពួកគេ។
ទោះយ៉ាងណា លោកBolton ធ្លាប់បានបង្ហាញពីភាពមន្ទិលសង្ស័យច្រើនលើកច្រើនសាចំពោះការសន្យារំសាយនុយក្លេអ៊ែររបស់ក្រុងព្យុងយ៉ាង។ គេគិតថាលោកគឺជាមន្ដ្រីម្នាក់ដែលឈរនៅពីក្រោយប្រធានាធិបតីDonald Trump សម្រេចចិត្តលុបចោលដំណើរទស្សនកិច្ចទៅកាន់កូរ៉េខាងជើងរបស់ប្រមុខការទូតMike Pompeo ក្រោមមូលហេតុកូរ៉េខាងជើងមិនទាន់មានភាពលូតលាស់គ្រប់គ្រាន់ក្នុងការរំសាយនុយក្លេអ៊ែរ។
កាលពីសប្ដាហ៍មុន ប្រតិភូកូរ៉េខាងត្បូងបានទៅក្រុងព្យុងយ៉ាងដើម្បីរៀបចំសន្និសីទកំពូលើកទី៣ រវាងមេដឹកនាំទាំងពីរដែលគ្រោងនឹងធ្វើពីថ្ងៃទី១៨ខែកញ្ញាដល់ថ្ងៃទី២០កញ្ញា៕
សូយន