កណ្តាល ៖ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល បានទទួលសេចក្តីរាយការណ៍ពីមហាជនឲ្យដឹងថា ៖ រសៀលថ្ងៃទី31ខែសីហាឆ្នាំ2025 មានករណីចាប់ជំរិតជនជាតិចិន នៅជ្រៃធំ ស្លាកលេខរថយន្តដែលប្រើសម្រាប់ការចាប់ជំរិតនោះ គឺ 2CG-9786 ។
ដោយអនុវត្តតាមការដឹកនាំបញ្ជាដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ អគ្គស្នងការនគរបាលជាតិ និងឯកឧត្តម គួច ចំរើន អភិបាល នៃគណៈអភិបាលខេត្តកណ្តាល លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានបញ្ជាកម្លាំងជំនាញពាក់ព័ន្ធស្រាវជ្រាបបង្រ្កាបករណីខាងលើ ជាលទ្ធផល នៅរសៀលថ្ងៃទី៣១ ខែសីហា ឆ្នាំ២០២៥ កម្លាំងជំនាញបានឃាត់ខ្លួនជនសង្ស័យពាក់ព័ន្ធចំនួន០៥នាក់ និងចាប់យកវត្ថុតាង រថយន្តចំនួន០២គ្រឿង។
បច្ចុប្បន្ន ជនសង្ស័យរួមនឹងវត្ថុតាង សមត្ថកិច្ចជំនាញកំពុងសាកសួរ និងកសាងសំណុំរឿងចាត់ការតាមនីតិវិធី ៕ រក្សាសិទ្ធដោយ៖សុទ្ធលី
