ក្នុងឱកាសស្នាក់អាស្រ័យ បំពេញទស្សនកិច្ច នៅរដ្ឋធានី ហាណូយ សាធារណរដ្ឋសង្គមនិយម វៀតណាម នារសៀលថ្ងៃទី២ ខែកញ្ញា ឆ្នាំ២០២៥ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានដឹកនាំគណប្រតិភូជាន់ខ្ពស់កម្ពុជា អញ្ជើញទស្សនាមជ្ឈមណ្ឌលតាំងពិព័រណ៌វៀតណាម ដែលមានទីតាំងនៅភាគឦសាន រដ្ឋធានីហាណូយ។
មជ្ឈមណ្ឌលតាំងពិព័ណ៌ជាតិ វៀតណាមនេះ គឺជាមជ្ឈមណ្ឌល ដ៏ធំបំផុត នៅអាស៊ីអាគ្នេយ៍ក្នុងចំណោមមជ្ឈមណ្ឌលតាំងពិព័រណ៌ធំជាងគេទាំង១០នៅលើពិភពលោក ដែលបានសាងសង់ លើផ្ទៃដីជាង៩០ម៉ឺនម៉ែត្រការ៉េ ដោយប្រើរយៈពេលសាងសង់ ត្រឹមតែ១០ខែ ប៉ុណ្ណោះ ដោយចំណាយថវិកាសរុបអស់ជាង ៧,០០០ពាន់លានដុង ហើយត្រូវបានសម្ពោធដាក់ឱ្យដំណើការ កាលពីថ្ងៃទី១៩ ខែសីហា ឆ្នាំ២០២៥ ដើម្បីអបអរសាទរ ពិធីរំលឹក ខួបអនុស្សាវរីយ៍លើកទី៨០ នៃបដិវត្តន៍ ខែសីហា និងទិវាបុណ្យឯករាជ្យជាតិវៀតណាម ២ កញ្ញា ២០២៥។ មជ្ឈមណ្ឌលពិព័រណ៍វៀតណាម ត្រូវបានគេរំពឹងថា នឹងក្លាយទៅជា គោលដៅអន្តរជាតិ ដែលអាចប្រៀបធៀបទៅនឹង ទីក្រុងឌូបៃ(UAE) ហ្វ្រែងហ្វើត (អាល្លឺម៉ង់)ឬ Fiera Milano (អ៊ីតាលី)ដែលជំរុញ សេដ្ឋកិច្ច ពិព័រណ៌សម្រាប់រដ្ឋធានី។ មជ្ឈមណ្ឌលពិព័រណ៌នេះ ត្រូវបានគេរំពឹងថានឹងស្វាគមន៍ អ្នកទស្សនាចំនួន ៦០លាននាក់ ក្នុងមួយឆ្នាំ ដើម្បីរីករាយក្នុងដំណើរកម្សាន្តការដើរទិញឥវ៉ាន់ រីករាយនឹងវប្បធម៌ សិល្បៈ និងស្វែងរកនិងជួបដៃគូនានា ជំរុញពាណិជ្ជកម្មពិភពលោក។ ការបង្កើតមជ្ឈមណ្ឌលតាំងពិព័ណ៌វៀតណាម បានបំពេញបានយ៉ាងពេញលេញ នូវលក្ខខណ្ឌ និងតម្រូវការ សម្រាប់ការរៀបចំព្រឹត្តិការណ៍វប្បធម៌វនិងសិល្បៈធំៗហើយរំពឹងថា នឹងបង្កើនសន្ទុះ ដើម្បីលើកកម្ពស់ ឧស្សាហកម្មកម្សាន្ត ឧស្សាហកម្មវប្បធម៌ និងឧស្សាហកម្មផ្សេងៗទៀត។ជាពិសេការតាំងពិព័រណ៍សមិទ្ធផលជាតិ៖ ៨០ឆ្នាំនៃដំណើរឯករាជ្យ-សេរីភាព-សុភមង្គលជាព្រឹត្តិការណ៍សំខាន់ដំបូងគេដែលប្រារព្ធឡើងនៅមជ្ឈមណ្ឌលពិព័រណ៍វៀតណាមដែលពិព័រណ៌នេះមានការចូលរួមពីគ្រប់ក្រសួង សាខាខេត្ត ក្រុង និងឧស្សាហកម្មផ្សេងៗគ្នាជាច្រើន។
យើងអាចនិយាយបានថានេះ គឺជាព្រឹត្តិការណ៍ ដែលមិនធ្លាប់មានពីមុនមក និងជាកំណត់ត្រាថ្មីមួយទៀត ព្រោះថាពិព័រណ៍នេះបានប្រមូលផ្តុំខេត្ត-ក្រុងចំនួន៣៤ ក្រសួង និងវិស័យផ្សេងៗចំនួន២៨ សហគ្រាសឯកជនចំនួន ៩៤សហគ្រាសរដ្ឋ ចំនួន១២ ដែល មានឧស្សាហកម្មសរុប ប្រហែល១៨០ និងស្តង់ជាង២៣០។
ពិព័រណ៍នេះត្រូវបានរៀបចំឡើងតាមបែបទំនើប ដែលខេត្ត ក្រុង ក្រសួង និងវិស័យនីមួយៗមានលំហរផ្ទាល់ខ្លួនដោយឆ្លុះបញ្ចាំងពីរយៈពេលប្រវត្តិសាស្ត្រនិងសមិទ្ធផលលេចធ្លោនាពេលបច្ចុប្បន្ន។ ស្តង់នេះប្រើប្រាស់បច្ចេកវិទ្យាថ្មីៗដូចជា អេក្រង់ប៉ះ ការគូសផែនទី ការព្យាករណ៍ពហុមេឌៀ ជាដើម ដើម្បីបង្កើតបែបផែនមើលឃើញ និងរស់រវើក។ ចំណុចសំខាន់មួយគឺ សួនឧស្សាហកម្ម វប្បធម៌ ដោយណែនាំវិស័យចំនួន១២រួមមាន ហ្គេម ការបង្ហាញម៉ូត សិល្បៈសម្តែង រោងកុន សិប្បកម្ម ទេសចរណ៍… មានឆាក៤០០ ម៉ែត្រការ៉េសម្រាប់ការសម្តែង រោងកុន២០០កៅអី ដែលមានភាពយន្ត វៀតណាមល្អៗ និងសកម្មភាព ផ្លាស់ប្តូរជាច្រើន ជាមួយសិល្បករ។ លើសពីនេះវាក៏មានកន្លែងពិសោធន៍ដូចជាបន្ទប់ស្លៀកពាក់និម្មិត និងកន្លែងតាំងបង្ហាញផលិតផលវប្បធម៌ច្នៃប្រឌិតផងដែរ។ តំបន់ខាងក្រៅមានតំបន់តាំងពិព័ណ៌ របស់កងទ័ព ប៉ូលីស ហាណូយ ទីក្រុងហូជីមិញនិង ទីក្រុង Hai Phong,។ រួមជាមួយនឹងសកម្មភាពតាំងពិព័រណ៌ ក៍មានកម្មវិធីសិល្បៈ និងសិក្ខាសាលា ជាបន្តបន្ទាប់ ដោយមានការរៀបចំបានយ៉ាងល្អិតល្អន់ និងវិសាលភាពទូលំទូលាយ ពិព័រណ៍មិនត្រឹមតែ ធានាសោភ័ណភាព និងខ្លឹមសារសម្បូរបែប ប៉ុណ្ណោះទេ ថែមទាំងមានប្រសិទ្ធភាព នយោបាយ និងទំនាក់ទំនងខ្ពស់ នឹងក្លាយទៅជាកន្លែង រំលេចអំពីវប្បធម៌ ក្នុងឱកាសពិធីរំលឹកខួបអនុស្សាវរីយ៍លើកទី៨០នៃបដិវត្តន៍ខែសីហា និងទិវាបុណ្យឯករាជ្យជាតិវៀតណាម ថ្ងៃទី២ ខែកញ្ញា ឆ្នាំ២០២៥នេះ៕ រក្សាសិទ្ធដោយ៖សុទ្ធលី
