តាកែវ÷ជនដៃដលចំនួន៥នាក់ កូនប្រពន្ធចុង២នាក់នឹងប្អូនស្រីប្រពន្ធចុង ជាមួយនឹងកូនប្អូនស្រីប្រពន្ធចុង ទាំងអស់៥នាក់ រួមដៃគ្នាព្រួតវៃនឹងយកសាំងចាក់ដុតប្រពន្ធដេីមត្រូវជាជនរង់គ្រោះ ។ ពួកនេះសាហាវមែន។ករណីនេះ កម្លាំងជំនាញនៃអធិការដ្ឋានក្រុងដូនកែវ បានឃាត់ខ្លួនជនសង្ស័យស្រី.ប្រុស៤នាក់ ដែលបានព្រួតគ្នាវាយប្រពន្ធដើមឲ្យទ្រោមខ្លួន រួចចាក់សាំងដុតឲ្យរបួសធ្ងន់
ថ្ងៃទី៣០ ខែសីហា ឆ្នាំ២០២៥នេះ ដោយអនុវត្តតាមបទបញ្ជាយ៉ាងម៉ឺងម៉ាត់ពីសំណាក់ លោកឧត្ដមសេនីយ៍ទោ ម៉ែន លី ស្នងការនគរបាលខេត្តតាកែវ និងមានការសម្របសម្រួលនីតិវីធីពី ឯកឧត្ដម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ លោកវរសេនីយ៍ឯក ឥន្ទ មណ្ឌល អធិការ នគរបាលក្រុងដូនកែវ បានបញ្ជាឱ្យកម្លាំងជំនាញ នៃអធិការដ្ឋាននគរបាលក្រុងដូនកែវ ចុះធ្វើការស្រាវជ្រាវ ឈានដល់ការឃាត់ខ្លួនជនសង្ស័យស្រី.ប្រុសជាបន្តបន្ទាប់បានចំនួន ៤នាក់ហើយ ដោយឡែកម្នាក់ទៀត ជាកុមារសមត្ថកិច្ចបានធ្វើការអប់រំដោយមិនបានឃាត់ខ្លួននោះទេ។
កាលពីថ្ងៃទី២៨ ខែវិច្ឆិកា ឆ្នាំ២០២៥ វេលាម៉ោង១៩និង៣០នាទី នៅចំណុចមុខផ្ទះរបស់ឈ្មោះ នាង លីម៉េង ដែលស្ថិតនៅក្នុងភូមិធន់មន់ខាងត្បូង សង្កាត់បារាយណ៍ ក្រុងដូនកែវ ខេត្តតាកែវ មានករណី មួយបានកើតឡើង បង្កឡើងដោយជនសង្ស័យមានគ្នាចំនួន៥នាក់ ទី១មានឈ្មោះ នាង លីម៉េង ភេទស្រី អាយុ៤០ឆ្នាំ មុខរបរមេផ្ទះ ទី២ ឈ្មោះ នាង ផារី ភេទស្រី អាយុ៣៥ឆ្នាំ មុខរបរកសិករ ទី៣ឈ្មោះ វី សៀវម៉ី ភេទស្រី អាយុ១៩ឆ្នាំ មុខរបរលក់ដូរ និងទី៤ឈ្មោះ វី ឈុនឈី ភេទប្រុស អាយុ១៨ឆ្នាំ មុខរបរសិស្ស ចំណែកទី៥ នៅជាកុមារ សមត្ថកិច្ចមិនអាចឃាត់ខ្លួនទេ។ ទាំង៤នាក់ខាងលើមានទីលំនៅបច្ចុប្បន្នភូមិធន់មន់ សង្កាត់បារាយណ៍ ក្រុងដូនកែវ ខេត្តតាកែវ ។
ក្រុមជនសង្ស័យ បានធ្វើសកម្មភាព ព្រួតគ្នាវាយទៅវិញទៅមក និងចាក់សាំងដុតទៅលើភាគីម្ខាងទៀតដែលជាជនរងគ្រោះមានឈ្មោះ លីម ឡៃហុន ភេទស្រី អាយុ៤០ឆ្នាំ មុខរបរកសិករ មានទីលំនៅបច្ចុប្បន្នភូមិ សង្កាត់ ក្រុង កើតហេតុខាងលើ បណ្ដាលឱ្យឆេះរងរបួស ទី១រងរបួសត្រចៀកខាងឆ្វេងចំនួន១កន្លែង ទី២រងរបួសលើកញ្ចឹងកចំនួន១កន្លែង ទី៣រងរបួសលើខ្នងផ្នែកខាងលើចំនួន១កន្លែង ទី៤រងរបួសលើស្មាខាងឆ្វេងចំនួន១កន្លែង ទី៥រងរបួសលើខ្នងទាំងសងខាងចំនួន២កន្លែង និងទី៦ មានស្នាមរងរបួសនៅលើសាច់ដុំខាងឆ្វេងចំនួន១កន្លែង(រងរបួសភ្លើងឆេះធ្ងន់ធ្ងរ) ត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យបង្អែកខេត្តតាកែវ។
ដោយឡែកភាគីម្ខាងទៀត មានឈ្មោះនាង លីម៉េង រងរបួសត្រង់កផ្នែកខាងឆ្វេងចំនួន១កន្លែង (រងរបួសស្រាល) និងទី២ មានឈ្មោះ វី សៀវម៉ី រងរបួសលើសាច់ដុំខាងស្ដាំចំនួន១កន្លែង(រងរបួសស្រាល)។ ក្រោយកើតហេតុកម្លាំងជំនាញនៃអធិការដ្ឋាននគរបាលក្រុងដូនកែវ កម្លាំងប៉ុស្តិ៍នគរបាលរដ្ឋបាលបារាយណ៍ បានចុះដល់កន្លែងកើតហេតុធ្វើការស្រាវជ្រាវឈានដល់ការឃាត់ខ្លួនឈ្មោះ នាង លីម៉េង យកមកធ្វើការសាកសួរនៅអធិការដ្ឋាននគរបាលក្រុងដូនកែវ។
ចំណែកបក្សពួកផ្សេងទៀតបានរត់គេចខ្លួន។ លុះដល់ថ្ងៃទី២៩ ខែវិច្ឆិកា ឆ្នាំ២០២៥ វេលាម៉ោង១៦ និង៣០នាទី កម្លាំងជំនាញនៃអធិការដ្ឋាននគរបាលក្រុងដូនកែវ កម្លាំងប៉ុស្តិ៍នគរបាលរដ្ឋបាលបារាយណ៍ បានធ្វើការស្រាវជ្រាវឈានដល់ការឃាត់ខ្លួនបក្សពួកបានចំនួន៣នាក់ផ្សេងទៀត យកមកអធិការដ្ឋាននគរបាលក្រុងដូនកែវ ។
ក្រោយមកសមត្ថកិច្ចជំនាញ បានធ្វើការសាកសួរជនសង្ស័យទាំង៤នាក់ខាងលើរួចមក សមត្ថកិច្ចបានកសាងសំណុំរឿងដើម្បីចាត់ការបន្តតាមនីតិវិធីច្បាប់៕ រក្សាសិទ្ធដោយ៖សុទ្ធលី
