ប្រេងកូឡាចំនួន១១០០០ដប ដែលជាអំណោយដ៏ថ្លៃថ្លារបស់សម្ដេចធិបតីនិងលោកជំទាវបណ្ឌិត បានប្រគល់ជូនរដ្ឋបាលរាជធានីភ្នំពេញ ដើម្បីបន្តយកទៅប្រគល់ជូនវីរៈកងទ័ព និងប្រជាពលរដ្ឋជាជនភៀសសឹក

ភ្នំពេញ ៖ ប្រេងកូឡាចំនួន១១០០០ដប ដែលជាអំណោយដ៏ថ្លៃថ្លារបស់សម្ដេចមហាបរវធិបតី ហ៊ុន ម៉ាណែតនាយករដ្ឋមន្ត្រីនិងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត តាមរយៈតំណាងសមាគមគ្រូពេទ្យស្ម័គ្រចិត្ត យុវជនសម្តេចតេជោត្រូវបាននាំយកមកប្រគល់ជូនរដ្ឋបាលរាជធានីភ្នំពេញ ដើម្បីបន្តយកទៅប្រគល់ជូនវីរៈកងទ័ព ដែលកំពុងឈរជើងប្រយុទ្ធនៅសមរភូមិមុខនិងប្រជាពលរដ្ឋជាជនភៀសសឹក ខណៈដែលក្រុមទាហានថៃវាយប្រហារឈ្លានពានចូលបូរណៈភាពទឹកដីកម្ពុជាធ្វើឱ្យមានការផ្ទុះសង្គ្រាមជាថ្មី ។

ពិធីប្រគល់និងទទួលនេះបានធ្វើឡើងនារសៀលនាថ្ងៃទី០៩ធ្នូនេះ ក្រោមវត្តមានឯកឧត្ដម ឯក ឃុនដឿន អភិបាលរង តំណាងឯកឧត្ដម ឃួង ស្រេង អភិបាលរាជធានីភ្នំពេញ និងតំណាងសមាគមគ្រូពេទ្យស្ម័គ្រចិត្ត យុវជនសម្តេចតេជោ នៅសាលារាជធានីភ្នំពេញ។

ឯកឧត្ដម ឯក ឃុនដឿនក្នុងឱកាសនោះ បានលើកឡើងថា៖ ក្នុងនាមក្រុមប្រឹក្សារាជធានីភ្នំពេញ គណៈអភិបាលរាជធានីភ្នំពេញ មន្ត្រីរាជការ កងកម្លាំងទាំងអស់ ក្នុងរាជធានីភ្នំពេញ សូមគោរពថ្លែងអំណរគុណដ៏ខ្ពង់ខ្ពស់បំផុតចំពោះ សម្ដេចធិបតី ហ៊ុន ម៉ាណែតនាយករដ្ឋមន្ត្រីនិងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ដែលបានឧបត្ថម្ភ ប្រេងកូឡាចំនួន១១០០០ដប ជូនរដ្ឋបាលរាជធានីភ្នំពេញ ដើម្បីឱ្យរដ្ឋបាលរាជធានីភ្នំពេញ បន្តយកទៅប្រគល់ជូនវីរៈកងទ័ព ដែលកំពុងឈរជើងប្រយុទ្ធនៅសមរភូមិមុខនិងជូនដល់ប្រជាពលរដ្ឋជាជនភៀសសឹក ខណៈដែលទាហានថៃកំពុងឈ្លានពានដែនអធិបតេយ្យប្រទេសកម្ពុជា រហូតមានការផ្ទុះសង្គ្រាមជាថ្មី។

ឯកឧត្ដមបន្តថា៖ តាមរយៈអំណោយដ៏ថ្លៃថ្លាខាងលើនេះពិតជា បានបង្ហាញឱ្យឃើញ អំពីទឹកចិត្ត និងការគិតគូរយ៉ាងខ្លាំងចំពោះវីរៈកងទ័ព ដែលកំពុងឈរជើងប្រយុទ្ធនៅសមរភូមិមុខនិងប្រជាពលរដ្ឋជាជនភៀសសឹក នៅពេលដែលទាហានថៃកំពុងឈ្លានពានដែនអធិបតេយ្យប្រទេសកម្ពុជា បណ្តាលឱ្យមានការផ្ទុះសង្គ្រាមជាថ្មី។

នៅរសៀលថ្ងៃដដែលនេះដែរក្រុមហ៊ុនLS BellaCosmeticបាននាំយកអំណោយមានសាប៊ូកក់សក់៥កេស ,សាប៊ូលាងកំប៉ុង៥កេស ,សាប៊ូបោកគក់៥កេសនិងនំប៊ីគាកញ្ចប់តូច៣កេស។ក្នុងនោះគណៈកម្មការផ្សារអូប្ញស្សីបាននាំយកអំណោយអង្ករចំនួន២តោន មុង និងភួុយ មានម៉ាស ចានជ័រ ចានអ៊ីណុច នំធុង កញច្រែងជ័រ ឆ្នាំង និងចានមួយចំនួនទៀត៕ រក្សាសិទ្ធដោយ៖សុទ្ធលី