ក្មេងស្រី​អាយុ​៣​ខែ មាន​ប័ណ្ណ​ឯកជន​ចូលរួម​ក្នុង​មហាសន្និបាត​អង្គការសហប្រជាជាតិ​

នៅក្នុង​មហាសន្និបាត​អង្គការសហប្រជាជាតិ​ព្រឹក​ថៃ្ង​ទី​២៥ ខែកញ្ញា អ្នកតំណាង​ទាំងឡាយ​ចៀស​មិន​រួច​ពី​ការភ្ញាក់ផ្អើល​ពេល​ឃើញ​វត្តមាន​របស់​ក្មេងស្រី​អាយុ​៣​ខែ​ម្នាក់ និង​ថែមទាំង​មាន​ប័ណ្ណ​សន្តិសុខ​ឯកជន​។

​ក្មេងស្រី​Neve Te Aroha គឺជា​កូនស្រី​របស់​នាយករដ្ឋមន្ត្រី New Zealand Jacinda Ardern គាត់​បាន​ក្លាយជា​ស្ត្រី​មេដឹកនាំ ប្រទេស​ដំបូង​គេ​ដែល​នាំ​ទារក​ទើប​កើត​ចូលក្នុង​សវនាការ​របស់ UN នៅ​New York​។​

​ពិសេស​ក្មេងស្រី​នូវ​បានផ្ដល់​ឱ្យនូវ​ប័ណ្ណ​សន្តិសុខសម្រាប់​ចេញចូល​ដោយ​ផ្តល់​រហស្សនាម​ថា First Baby របស់​New Zealand​។​

​​ស្វាមី​របស់​នាយករដ្ឋមន្ត្រី​រូបនេះ​លោក Clarke Gayford គឺជា​អ្នក​មើលថែ​ដល់​ក្មេងស្រី​នេះ​និង​បាន​អង្គុយ​ជាមួយ​ប្រតិភូ​New Zealand រួច​បីកូន​នៅពេល​អ្នកស្រី​Jacinda Ardern ឡើង​ថ្លែង​សុន្ទរកថា​។​

​អ្នកនាំពាក្យ​UN Stephane Dujarric បាន​ថ្លែងថា ស្ថាប័ន​នេះ​ពិតជា​ស្វាគមន៍​ក្មេងស្រី Neve Te Aroha មក​ចូលរួម​ក្នុង​មហាសន្និបាត​អង្គការសហប្រជាជាតិ​៕
​សូ​យ​ន​