បុរសជនជាតិកាណាដាម្នាក់ បច្ចុប្បន្ន កំពុងស្ថិតក្នុងការជំនុំជម្រះ ពាក់ព័ន្ធនឹងការណីស្លាប់របស់និស្សិតស្រីជនជាតិជប៉ុនម្នាក់ ស្ថិតនៅក្នុងទីក្រុង Vancouver កាលពី២ឆ្នាំមុន បានទទួចអង្វរពុំមានទោសពៃ ក្នុងអំឡុងពេលសវនាការរបស់គាត់ កាលពីថ្ងៃចន្ទ ។
CBC រាយការណ៍ឲ្យដឹងថា លោក William Victor Schneider ដែលត្រូវបានចាប់ខ្លួនកាលថ្ងៃទី២៨ ខែកញ្ញា ឆ្នាំ២០១៦ នៅក្នុង Vernon, B.C កំពុងប្រឈមមុខនឹងការចោទប្រកាន់ពីបទមនស្សឃាតកំរិតទី២ ជាមួយតុលាការកំពូល B.C នៅក្នុង Vancouver ។
នារីរងគ្រោះឈ្មោះ Natsumi Kogawa អាយុ ៣០ ឆ្នាំ បានកំពុងសិក្សាភាសាអង់គ្លេស នៅក្នុងទីក្រុង Vancouver ទៅលើទិដ្ឋាការនិស្សិត ហើយនៅពេលនោះ នាងក៏បានបាត់ខ្លួនថ្ងៃទី១២ ខែកញ្ញា ឆ្នាំ២០១៦ តែម្តង ។
យោងតាមព្រះរាជអាជ្ញា Geordie Proulx, នាង Kogawa មានគម្រោងជួបមិត្តភក្តិម្នាក់ ដើម្បីពិភាក្សាអំពីការងារដ៏សំខាន់មួយ នៅភោជនីយដ្ឋាន ប៉ុន្តែ នាងត្រូវបានគេរាយការណ៍ថា បានបាត់ខ្លួនភ្លាមៗបន្ទាប់ពីជំនួបនោះ ដែលធ្វើឲ្យសមត្ថកិច្ចបើការស៊ើបអង្កេត និងស្វែងរកនាងយ៉ាងសស្រាក់សស្រាំតែម្តង ។
ខណៈពេល Kogawa បានកំពុងបាត់ខ្លួនអស់រយៈពេល ២ សប្តាហ៍ នៅពេលនោះ ឆ្កែប៉ូលីសបានរកឃើញសាកសពរបស់នាងនៅក្នុងវ៉ាលីសមួយ នៅខាងក្រៅវិមាន Gabriola នៅក្នុង West End នៃទីក្រុង Vancouver ហើយជនសង្ស័យអាយុ ៥១ ឆ្នាំ នេះក៏ត្រូវបានចាប់ខ្លួន ។
ក្នុងអំឡុងពេលស៊ើបអង្កេត អាជ្ញាធរបានរកឃើញវីដេអូពីកាមេរ៉ាឃ្លាំមើល បានបង្ហាញនាង Kogawa ស្ថិតនៅជាមួយបុរសម្នាក់ដើរឆ្លងកាត់ Harbour Centre Mall នៅក្នុង Vancouver ។
នៅពេលប៉ូលីសបញ្ចេញរូបភាពពីវីដេអូឃ្លីប ទៅដល់ប្រព័ន្ធផ្សព្វផ្សាយ នៅថ្ងៃទី២៧ កញ្ញា បងប្រុសរបស់ Schneider ត្រូវបានគេរាយការណ៍ឲ្យដឹងថា បានស្គាល់គាត់ និងភ្លាមៗនោះបានផ្តល់ព័ត៌មានទៅឲ្យអាជ្ញាធរ ។
ព្រះអាជ្ញា Proulx បានបញ្ចេញឲ្យដឹងថា Schneider ដែលត្រូវបានចាប់ខ្លួន ខណៈកំពុងស្នាក់នៅក្នុងសណ្ឋាគារមួយក្នុងតំបន់ បាននិយាយទៅកាន់បុគ្គលិកសណ្ឋាគារអំពីការជួបគ្នាជាមួយស្ត្រីជប៉ុនម្នាក់ មុនពេលចាក់ចេញនៅថ្ងៃទី២១ ខែកញ្ញា ឆ្នាំ២០១៦ ។
នៅទីបំផុត Schneider បានប្រាប់ប៉ូលីសពីទីកន្លែង ដើម្បីត្រូវស្វែងរកវ៉ាលីសដែលមានផ្ទុកសាកសពរបស់ Kogawa ។
ខណៈក្រុមអ្នកជំនាញកោសល្យវិច្ឆ័យ មិនអាចកំណត់មូលហេតុពិតប្រាកដ នៃការស្លាប់របស់ Kogawa បាន ព្រោះតែស្ថានភាពសាកសពរបស់នាងត្រូវរលួយទៅហើយ ។ ក្រៅពីនេះ បរិមាណមិនកំណត់បាននៃថ្នាំងងុយដេក zopiclone និង lorazepam ត្រូវបានរកឃើញនៅលើថ្លើមរបស់ជនរងគ្រោះ ។
លោក Proulx បានកត់សម្គាល់ថា នាង Kogawa មិនមានវេជ្ជបញ្ជាសម្រាប់ឱសថណាមួយទេ ប៉ុន្តែ Schneider ចេញវេជ្ជបញ្ជាសម្រាប់ថ្នាំ lorazepam ។ ទោះយ៉ាងណា ការកាត់ទោសនេះនឹងត្រូវបានកំណត់ធ្វើឡើងនៅខែក្រោយទៀត ៕ ចន្ទី (nextshark)
