បច្ចេកវិទ្យានៃការសម្គាល់មុខ បានកំពុងក្លាយជារឿងធម្មតាកំពុងកើនឡើង នៅទូទាំងតំបន់មួយចំនួន ហើយវាមើលទៅទំនងជាប្រទេសម៉ាឡេស៊ី អាចនឹងត្រូវបានអនុវត្តបច្ចេកវិទ្យានេះផងដែរ ដើម្បីជួយឲ្យទីក្រុងរក្សាបាននូវសុវត្ថិភាព ។
យោងតាម The Star, Penang បច្ចុប្បន្នកំពុងពិចារណាដំឡើងប្រព័ន្ធកាមេរ៉ាសម្គាល់មុខនៅលើដងផ្លូវ ក្នុងកិច្ចខិតខំប្រឹងប្រែងដើម្បីរកឃើញឧក្រិដ្ឋជនដែលត្រូវការ ។ ប្រសិនបើត្រូវបានអនុម័ត Penang នឹងក្លាយជារដ្ឋដំបូងគេនៅក្នុងប្រទេសម៉ាឡេស៊ី ដើម្បីអនុវត្តប្រព័ន្ធដ៏ទំនើបមួយនេះ ។
កាមេរ៉ាទាំងនេះ ជាធម្មតានឹងត្រូវដំឡើងនៅក្នុងតំបន់សាធារណៈ ដែលអាចកំណត់ផ្ទៃមុខអ្នកថ្មើរជើង ខណៈកុំព្យួទ័រមួយបានភ្ជាប់នឹងប្រព័ន្ធ នឹងអាចពិនិត្យមើលទៅតាមកំណត់ត្រាព្រហ្មទណ្ឌរបស់បុគ្គល ។ ប្រសិនមនុស្សណាម្នាក់ត្រូវបានរកឃើញថាជាមុខសញ្ញាបទល្មើស នោះប៉ូលីសបន្ទាប់មក អាចកំណត់អត្តសញ្ញាណជនសង្ស័យភ្លាមៗ ។
ប្រធានស្នងការប៉ូលីសរដ្ឋ Penang លោក Datuk Seri A. Thaiveegan បានប្រាប់ Daily ថា គំនិតនេះគឺនៅតែស្ថិតក្នុងដំណាក់កាលដំបូង នៃការធ្វើផែនការដោយតម្រូវឲ្យមានកិច្ចសហប្រតិបត្តិការរវាងក្រុមប្រឹក្សាក្រុងកោះ Penang និងក្រុមប្រឹក្សាក្រុង Perai ។
លោកបន្ថែមថា៖ «ឧក្រិដ្ឋជនបានកំពុងចូលមកក្នុង Penang គួរឲ្យប្រុងប្រយ័ត្ន ដូច្នេះហើយ យើងខ្ញុំនឹងត្រូវឃ្លាំមើលពួកគេ ។ កុំព្យូទ័រនឹងដំណើរការតាមដានកំណត់ត្រាអតីកាលរបស់ពួកគេ និងបញ្ជូនដំណឹងដល់ប៉ូលីស ប្រសិនមានសកម្មភាពសង្ស័យណាមួយ» ៕
ដោយ៖ ឧត្តម
ប្រភព៖ worldofbuzz, thecoverage.my
