ដោយអនុវត្តតាមបទបញ្ជារបស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នាថ្ងៃទី៧ ខែមិថុនា ឆ្នាំ២០២៦ កម្លាំងការិយាល័យនគរបាលព្រហ្មទណ្ឌកម្រិតស្រាល សហការជាមួយកម្លាំងអធិការដ្ឋាននគរបាលខណ្ឌព្រែកព្នៅ ដឹកនាំដោយលោកឧត្តមសេនីយ៍ត្រី ប៊ុន សត្យា ស្នងការរង ទទួលផែនការងារនគរបាលព្រហ្មទណ្ឌ លោកឧត្តមសេនីយ៍ទោ លី ប៊ុនអេង ស្នងការរងទទួលការិយាល័យនគរបាលព្រហ្មទណ្ឌកម្រិតស្រាល និងលោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល បានធ្វើការស្រាវជ្រាវឃាត់ខ្លួនជនសង្ស័យចំនួន០៦នាក់ ពាក់ព័ន្ធករណីហិ ..;ង្សាដោយចេតនាមានស្ថានទម្ងន់ទោស (កាប់ទៅលើជនរងគ្រោះបណ្តាលឲ្យរងរបួសដៃធ្ងន់ធ្ងរ ) ប្រព្រឹត្តបទល្មើសនៅចំណុចវាលស្រែ១០០ ភូមិបែកបក សង្កាត់គោករកា ខណ្ឌព្រែកព្នៅ រាជធានីភ្នំពេញ វេលាប្រហែល ម៉ោង១៥:៣០នាទី ថ្ងៃទី១៤ ខែឧសភា ឆ្នាំ ២០២៦។
ជនសង្ស័យចំនួន០៦នាក់រួមមាន៖
១-ឈ្មោះ ម៉ុន ផារ៉ាយុ ភេទប្រុស អាយុ ១៧ឆ្នាំ
២-ឈ្មោះ ថា រក្សា ភេទប្រុស អាយុ ១៧ឆ្នាំ
៣-ឈ្មោះ គី សំនៀង ភេទប្រុស អាយុ១៧ឆ្នាំ
៤-ឈ្មោះ តាំង ឆាយហុក ភេទប្រុស អាយុ១៨ឆ្នាំ
៥- ឈ្មោះ ចែម សុចន្ទ ភេទប្រុស អាយុ ១៧ឆ្នាំ
៦- ឈ្មោះ ស៊ីន ចរណៃ ភេទស្រី អាយុ ១៦ឆ្នាំ
វត្ថុតាងចាប់យក: ដាវធ្វើសកម្មភាព ២ដើម។
បច្ចុប្បន្នជនសង្ស័យខាងលើ និងវត្ថុតាង កម្លាំងជំនាញព្រហ្មទណ្ឌ បានកសាងសំណុំរឿងចាត់ការតាមនីតិវិធី៕រក្សាសិទ្ធដោយ៖សុទ្ធលី
