រដ្ឋមន្ត្រីឥណ្ឌា Velu Narayanasamy ទើបមានទង្វើបង្កភាពស្រឡាំងកាំងដល់ពលរដ្ឋ ខណៈពេលលោករួមនឹងសហការី បានធ្វើ ដំណើរទៅពិនិត្យ និងបំផុសចលនារៀបចំអនាម័យផ្លូវថ្នល់ កាលពីថ្ងៃទី ០១ ខែតុលា ។ នៅផ្សារ Saram លោកបានក្រឡេកឃើញលូមួយបានស្ទះ ។ លោកដើរសំដៅទៅក្រុមអនាម័យសុំខ្ចីស្រោមដៃ និងឧបករណ៍ រួចចុះកកាយរើសំរាមចេញពីនោះ ដែលមានក្លិនដ៏…អាសោចន៍ ។
លោករដ្ឋមន្ត្រី Narayanasamy ចុះកកាយលូភ្លាមៗ មុននោះសហការីរបស់លោកបាននាំគ្នាឃាត់ ប៉ុន្តែលោកពុំរវីរវល់ ហើយដើរចុះក្នុងទឹកលូតែម្តង ។
លោក Narayanasamy ត្រូវបានពលរដ្ឋក្នុងតំបន់ ដែលលោកឃោសនា មានការគាំទ្រយ៉ាងខ្លាំង ពិសេសពេលធ្វើសកម្មភាពបែបនេះ លោកត្រូវបានរាស្ត្រក្នុងតំបន់លើកតម្កើងថា គឺជាគំរូសម្រាប់អ្នកនយោបាយដទៃទៀត ដែលគួរធ្វើច្រើនជាងនិយាយ ។
លោក Narayanasamy បច្ចុប្បន្នជារដ្ឋមន្ត្រីទទួលបន្ទុកបូរមណភាពដែនដី សម្ព័ន្ធភាព Puducherry ៕ លីសា