Saturday, January 29, 2022

អស់សង្ឃឹម​! កងទ័ពជើងទឹក​អា​ហ្សង់​ទី​ន​បញ្ឍប់​ប្រតិបត្តិ​ការរុករក​នាវាមុជទឹ​ក​ដែល​បាត់​ខ្លួន​

កងទ័ពជើងទឹក​របស់​ប្រទេ​សអា​ហ្សង់​ទីន កាលពី​ថ្ងៃ​ព្រហស្បតិ៍​ម្សិលមិញ​នេះ បាន​បញ្ឍប់​ប្រតិបត្តិ​ការរុករ​កអ្នករ​នៅ​រស់រាន​មាន​ជីវិត​ក្នុ​ង​នាវាមុជទឹក San Juan submarine ដែល​បាន​បាត់​ខ្លួន ២​សប្តាហ៏​កន្លងមកហើយ ជាមួយនឹង​មនុស្ស ៤៤​នាក់​។ នេះ​បើ​តាម​ការចេញផ្សាយ​របស់​សារព៌តមាន​សិង្ហបុរី Channel News Asia​។​

​កងទ័ព​ជើង​ទឹក​បាន​ផ្លាស់ប្តូរ​បេសកម្ម​របស់​ខ្លួន​ពី​ប្រតិបត្តិការ​ជួយសង្គ្រោះ ទៅ​ជា​ការទទួលយក​វិញ (​រក​សាកសព​របស់​ជ​ន​ទាំងនោះ​)។​

​អ្នកនាំពាក្យ​ម្នាក់​ឈ្មោះ Enrique Balbi បាន​និយាយថា បើ​ទោះបីជា​មិន​អាច​បញ្ជាក់​ច្បាស់​ថា មនុស្ស​ទាំង​នោះ​ស្លាប់​ក៏ដោយ ក៏​មិន​មាន​ភស្ថុតាង​នៃ​បំបែក​នាវាមុជទឹ​កត្រូវ​បានគេ​រកឃើញ​នៅ​តំបន់​ដែល​បាន​រុករក​នោះទេ ហើយ​កិច្ច​ប្រឹងប្រែង​របស់​អន្តរជាតិ​ក្នុង​ការជួយ​សង្គ្រោះ​បាន​បន្ត​ពី​រដង​រួច ចំនែក​អ្នក​ទាំងនោះ​ក៏​ត្រូវបាន​គេ​ព្យាករណ៍​ថា អាច​នៅ​រស់រាន​មានជីវិត​។​

​កងទ័ព​ជើង​ទឹក​បាន​ធ្វើការ​ទាក់ទង​លើក​ចុងក្រោយ​បង្អស់​ជាមួយនឹង​នាវា​មុជទឹក កាលពី​ថ្ងៃ​ទី ១៥ ខែវិច្ឆការ នៅពេល​វា​កំពុងធ្វើដំណើរ​នៅក្នុង​សមុទ្រ​ប៉ា​ស៊ីភិ​ច​ភាខាងត្បូង ដែល​មាន​ចំងាយ ៤៥០​គីឡូ​មែត្រ​ពី​ឆ្នេរ​។​

​នៅក្នុង​ការទាក់ទង​គ្នា​លើកចុងក្រោយ អ្នក​នៅ​ក្នុង​នាវាមុជទឹក​នោះ​បាន​បញ្ហា​ម៉ាស៊ីន​ខូច ដែល​ធ្វើឲ្យមាន​បញ្ហា​អគ្គិសនី ដោយសារតែ​មាន​ទឹក​ជ្រាបចូល​តាម​បំពង់ខ្យល់​របស់​នាវាមុជទឹក​។​

៣​ម៉ោង​ក្រោយមក មាន​សំលេង​ដូចជា​ការផ្ទុះ ដែល​មនុស្ស​ក្នុង​នាវា​នោះ​បាន​រាយការណ៍​៕​ ដោយ ៖ សុភ័ក្ត្រ