សមត្ថកិច្ចពាក់ព័ន្ធរបស់រុស្ស៊ីបានបើកការស៊ើបអង្កតព្រហ្មទណ្ឌចំពោះព្រឹត្តិការណ៍គ្រោះថា្នក់នៃយានអវកាស ធ្វើដំណើរទៅកាន់ស្ថានីយយានអវកាសអន្តរជាតិ(ISS) ជាហេតុបណ្ដាលឱ្យក្រុមអវកាសយានិកបានចុះសំចតវិញជា បន្ទាន់។
សេចក្តីប្រកាសរបស់គណៈកម្មការស៊ើបអង្កេតរុស្ស៊ីឱ្យដឹងថា គេបានបង្កើតក្រុមជំនាញស្រាវជ្រាវមួយដើម្បីធ្វើការស៊ើបអង្កេតហេតុការណ៍នេះ។ បច្ចុប្បន្នសមត្ថកិច្ចកំពុងធ្វើការត្រួតពិនិត្យទីលានបាញ់បង្ហោះប្រមូលឯកសារវត្ថុតាង។
មុននោះ នៅថ្ងៃដដែល កាំជ្រួចបាញ់បង្ហោះយានអវកាស Soyuz MS-10 មានភារកិច្ចនាំយកអវកាសយានិកអាមេរិកនិង រុស្ស៊ីពីររូបទៅកាន់ ISS ហើយម៉ាស៊ីនកាំជ្រួចមានភាពរអាក់រអួលក្នុងអំឡុងពេលបាញ់បង្ហោះចេញពីអាកាសយានដ្ឋានអវកាស Baikonur – Kazakhstan ។
អវកាសយានិកទាំងពីរបានចុះចតជាបន្ទាន់នៅតំបន់Zhezkazgan ភាគកណ្តាលKazakhstan ហើយពិតជាករណីដ៏កម្រដែលអ្នកទាំងពីរនៅមានជីវិត ហើយពុំមានរងរបួស។
ឧទ្ធម្ភាគចក្រ៤គ្រឿងត្រូវបានចាត់បញ្ជូនទៅទទួលយកអវកាសយានិកទាំងពីររូបភ្លាមៗ៕
សូយន
