ធនាគារជាតិនៃកម្ពុជាបានចុះអនុស្សរណៈយោគយល់ចំនួនពីរដាច់ដោយឡែកពីគ្នាជាមួយក្រុមហ៊ុនបណ្តាញប័ណ្ណទូទាត់អន្តរជាតិ VISA និង Mastercard ក្នុងឱកាសនៃវេទិកាហិរញ្ញវត្ថុអន្តរជាតិ Black Swan Summit Cambodia 2026 នាថ្ងៃទី១៦ ខែធ្នូ ឆ្នាំ២០២៦ នៅរាជធានីភ្នំពេញ។
កិច្ចសហប្រតិបត្តិការនេះធ្វើឡើងក្នុងគោលបំណងលើកកម្ពស់ប្រសិទ្ធភាពនៃការទូទាត់ឌីជីថលតាមរយៈ KHQR Code នៅកម្ពុជា ដោយអនុញ្ញាតឱ្យភ្ញៀវទេសចរ ឬអ្នកដែលប្រើប្រាស់កម្មវិធីទូទាត់ចល័តអាចតភ្ជាប់ជាមួយប័ណ្ណ VISA និង Mastercard និងអាចស្កេនទូទាត់ប្រាក់ជាមួយពាណិជ្ជករនៅទូទាំងប្រទេសបានយ៉ាងងាយស្រួល រហ័ស និងមានសុវត្ថិភាពខ្ពស់។ រក្សាសិទ្ធដោយ៖សុទ្ធលី












