ប្រធានាធិបតីអាមេរិកចោទប្រកាន់ក្រុងប៉េកាំងថាជនជាតិអាមេរិកគឺ«ល្ងង់ខ្លៅ» ហើយអះអាងពីការបង្កើនអត្រាពន្ធ ធ្វើឱ្យសេដ្ឋកិច្ចប្រទេសចិនធ្លាក់ចុះយ៉ាងខ្លាំង។
ក្នុងកិច្ចសម្ភាសន៍ជាមួយ Fox លោកTrump ពោល៖ ពួកគេរស់នៅយ៉ាងស្រួលក្នុងអំឡុងពេលមួយយ៉ាងវែង ហើយខ្ញុំគិតថាពួកគេគិតថាជនជាតិអាមេរិកល្ងង់ណាស់។ ប៉ុន្តែជនជាតិអាមេរិកមិនល្ងង់ខ្លៅទេ។
លោកTrump សម្តែងមោទនភាពចំពោះការដំឡើងពន្ធលើមុខទំនិញមានតម្លៃ 250.000 លានUSD បានបង្កឥទ្ធិពលយ៉ាងខ្លាំងទៅលើខឿនសេដ្ឋកិច្ចលំដាប់ទី២ពិភពលោកនេះ។ លោកTrump ពោល ៖«ខឿនសេដ្ឋកិច្ចរបស់ពួកគេមានឱនភាពយ៉ាងខ្លាំង។ ខ្ញុំអាចធ្វើរឿងច្រើនទៀតប្រសិនបើខ្ញុំចង់។ ខ្ញុំមិនចង់ធ្វើរឿងនេះទៀត ប៉ុន្តែពួកគេត្រូវចរចា។ លោកTrump នៅតែបន្តរំលឹកនិងសង្កត់ធ្ងន់ថា ក្រុងប៉េកាំងត្រូវកែសម្រួលលក្ខខណ្ឌពាណិជ្ជកម្មសម្រាប់ផលិតផលអាមេរិក និងបញ្ឈប់ទង្វើលួចទ្រព្យសម្បតិ្តបញ្ញា។
ទន្ទឹមនោះ លោកTrump ក៏បានងាកទម្លាក់កំហុសឱ្យអតីតប្រធានាធិបតី Barack Obama និង George W. Bush ពីបទបានទុកប្រទេសចិនឈានផុតពីក្របខ័ណ្ឌអាចគ្រប់គ្រងបាន។ លោកសង្កត់ធ្ងន់ថា ទើបយើងខ្ញុំមិនអាចទទួលយកការផ្តល់ ៥០០.០០០លានUSD ក្នុងមួយឆ្នាំសម្រាប់ប្រទេសចិន និងសម្រាប់កសាងប្រទេសខ្លួនទេ។រដ្ឋាភិបាលអាមេរិកមុននេះបានជួយស្ថាបនាប្រទេសចិន ហើយឥឡូវខ្ញុំសូមប្រកាសថាពេលនេះចប់ហើយ!។
តាមមូលនិធិរូបិយអន្តរជាតិ(IMF) នោះបានឱ្យដឹងថា ៖ សង្គ្រាមពាណិជ្ជកម្មអាមេរិកនិងចិន ធ្វើឱ្យកំណើនសេដ្ឋកិច្ចនៅឆ្នាំ២០១៩របស់ចិនធ្លាក់ចុះក្នុងកម្រិតទាបបំផុតគិតចាប់ពីឆ្នាំ១៩៩០មក៕
សូយន